17.02.2026 | 16:12
Մակրոնը Հնդկաստան այցի ժամանակ նախատեսում է Rafale կործանիչների խոշոր գործարք կնքել
Նիկոլ Փաշինյանի խոսքը չի կարող լուրջ ընկալվել. Տիգրան Աբրահամյան․ ՏԵՍԱՆՅՈՒԹ
Քաղաքականություն
25.04.2023 | 14:25
«Կարևոր եմ համարում, որ տարբեր դերակատարներ Քննիչ հանձնաժողով գնալ-չգնալու վերաբերյալ իրենց դիրքորոշումն արտահայտում են և հասցնում են հանրությանը»,- այս մասին ԱԺ-ում լրագրողների հետ զրույցում նշեց «Պատիվ ունեմ» խմբակցության քարտուղար Տիգրան Աբրահամյանը՝ անդրադառնալով Պաշտպանության նախկին նախարար Դավիթ Տոնոյանի՝ ԱԺ 44-օրյա պատերազմի հանգամանքներն ուսումնասիրող քննիչ հանձնաժողովի աշխատանքներին չմասնակցելու վերաբերյալ հայտարարությանը։
Նշենք, որ ՀՀ պաշտպանության նախկին նախարար Դավիթ Տոնոյանը բացառել է իր մասնակցությունը ԱԺ քննիչ հանձնաժողովի աշխատանքներին: Նա նաև շեշտել է, որ անկախ փորձագետների և ԱԺ ընդդիմադիր խմբակցությունների ներկայացուցիչների բացակայությունը ՔՀ նիստերին ոչ միայն հարցեր է առաջացնում վերջինիս աշխատանքի անկողմնակալության վերաբերյալ, այլև պարարտ հող է հանդիսանում քաղաքական շահարկումների, զրպարտանքների և դիլետանտական բամբասանքների շարունակության համար: Տոնոյանը կարծում է, որ ՔՀ նախագահող անձը չի կարող անաչառ լինել իր գնահատականներում։ Պաշտպանության նախկին նախարարն առաջարկել է իր և Նիկոլ Փաշինյանի մասնակցությամբ անցկացնել քննիչ հանձնաժողովի բաց, հանրային նիստ, որի ընթացքում կպատասխանեն հանրությանը հետաքրքրող բոլոր հարցերին:
«Մենք մեր դիրքորոշումն արդեն արտահայտել ենք, և պաշտպանության նախկին նախարարի հայտարարությունը որևէ կապ չունի մեր դիրքորոշման հետ»,- նշեց Աբրահամյանը։
Նա նաև հավելեց, որ Քննիչ հանձնաժողովի նիստին Նիկոլ Փաշինյանի մասնակցությունը ևս որևէ ազդեցություն չի կարող ունենալ․ «Նիկոլ Փաշինյանի ելույթները ցույց են տալիս, որ դրանցում իրականություն գրեթե չկա, եղածը մանիպուլացվում է և փորձ է արվում հանրությանը մոլոեցնել։ չեմ կարծում, թե Փաշինյանի մասնակցությունը որևէ լուրջ բան է փոխելու»։
«Այն անձը, ով դատական վճռի բացակայության պայմաններում մարդկանց պիտակավորում է, դավաճան է համարում, այդ մարդու խոսքն այլևս չի կարող լուրջ ընկալվել»,- ընդգծեց Աբրահամյանը։
Մանրամասները՝ տեսանյութում։
