24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ինդոնեզիայում 7,4 մագնիտուդով երկրաշարժ է տեղի ունեցել․ ցունամիի վտանգ է հայտարարված
Քաղաքականություն
25.04.2023 | 13:35
Ինդոնեզիայում ուժեղ ստորջրյա երկրաշարժի հետևանքով վնասվել է Մենտավայ կղզու հիվանդանոցը, հազարավոր բնակիչներ ստիպված են եղել փախչել բարձրադիր գոտիներ՝ ցունամիի վտանգի պատճառով։ Այս մասին հայտնում է ՌԻԱ Նովոստին՝ հղում անելով ինդոնեզական ANTARA լրատվական գործակալությանը։
Ըստ աղբյուրի՝ երկրաշարժի ուժգնությունը կազմել է 7,4 մագնիտուդ։
Հաղորդագրության համաձայն՝ ցնցումները զգացվել են Արևմտյան Սումատրա և Հյուսիսային Սումատրա նահանգների շրջաններում և քաղաքներում, իսկ որոշ վայրերում իշխանությունները կարգադրել են մարդկանց տարհանել բարձրադիր վայրեր։ Երեքշաբթի վաղ առավոտյան մարդիկ հորդառատ անձրևի տակ փախել են բարձրլեռնային գոտիներ, իսկ Մենտավայ կղզու հիվանդանոցի որոշ հիվանդներ տեղափոխվել են բակ, քանի որ շենքի պատերին ճաքեր են հայտնվել:
Ազգային սեյսմոլոգիական գործակալության խոսնակ Աբդուլ Մուհարին հայտնել է, որ Արևմտյան Սումատրա նահանգի, այդ թվում՝ նահանգային կենտրոն Պադանգի բնակիչները մոտ 30 վայրկյան զգացել են ուժեղ երկրաշարժը։
Տաթև Ֆռանգյան
