06.10.2026 | 16:40
Ֆրանսիայում թանգարանից գողացել են 150 կիլոգրամանոց «Ապոկալիպսիսի գրքի» բրոնզե կազմը, որը ստեղծել է Սալվադոր Դալին
Հայաստանում 0-ից 7 տարեկան երեխաների անվճար բուժումն ապահովվա՞ծ է․ օրենք և իրականություն. ՏԵՍԱՆՅՈՒԹ
Հասարակություն
27.06.2018 | 17:07
Հայաստանում 0-ից 7 տարեկան երեխաների բուժումը բացառապես անվճար է. սա ամրագրված է ՀՀ օրենքում: Մինչև 7 տարեկան երեխաների անվճար բուժօգնությունը ենթադրում է երեխաների հիվանդանոցային անվճար բուժօգնություն` այդ թվում դեղորայքային ապահովում, հետազոտություն, խորհրդակցություն: Այս որոշումն ուժի մեջ է մտել դեռևս 2011 թվականի հունվարի 1-ից: Սակայն բազմաթիվ ծնողներ բողոքում են, որ շատ բուժհաստատություններում այս սկզբունքը չի պահպանվում:
Մեզ հետ զրույցում Ռուզան Մաթևոսյանը նշեց, որ 4-ամյա որդու հետ ուղեգրով դիմել է «Սուրբ Աստվածամայր» ԲԿ, որտեղ հրաժարվել են երեխային անվճար բուժօգնություն ցուցաբերել:
ՀՀ ԱՆ մոր և մանկան վարչության երեխաների առողջության պահպանման բաժնի պետ Նունե Փաշայանը դեպքը անհասկանալի համարեց և նշեց, որ ահազանգի հետքերով ուսումնասիրություն կիրականացնեն: Նունե Փաշայանը հորդորեց բոլոր ծնողներին ցանկացած նման դեպքում անհապաղ զանգահարել Առողջապահության նախարարության թեժ գիծ:
Մանրամասները՝ տեսանյութում:
Անի Մնացականյան
