26.11.2024 | 10:53
Լարսը փակ է բեռնատարների համար
Թուրքիայի ՊՆ ղեկավարը հայտնել է վաղը Մոսկվայում Սիրիայի հարցով հանդիպման մասին
Քաղաքականություն
24.04.2023 | 22:02
Մոսկվայում վաղը տեղի է ունենալու Թուրքիայի, ՌԴ-ի, Իրանի և Սիրիայի պաշտպանության նախարարների և հետախուզական ծառայությունների ղեկավարների հանդիպումը։ Այս մասին հայտարարել է Թուրքիայի պաշտպանության նախարար Հուլուսի Աքարը, գրում է Անադոլու գործակալությունը։
Նա հիշեցրել է, որ անցյալ տարվա դեկտեմբերի 28-ին դարձյալ Ռուսաստանի մայրաքաղաքում տեղի էր ունեցել Թուրքիայի, Ռուսաստանի Դաշնության ու Սիրիայի պաշտպանական գերատեսչությունների և հետախուզական ծառայությունների ղեկավարների եռակողմ հանդիպումը, որի արդյունքում որոշում է կայացվել շարունակել երկխոսությունը։
«Արդյունքում պայմանավորվածություն է ձեռք բերվել երկխոսությանը Իրանի միանալու մասին։ Սկսվել են քառակողմ ձևաչափով բանակցությունների նախապատրաստական աշխատանքները։ Ապրիլի 25-ին Մոսկվայում կկայանա հանդիպում՝ խնդիրների լուծման և տարածաշրջանում երկարաժամկետ խաղաղության և կայունության հաստատման նպատակով»,- ասել է Աքարը՝ հավելելով, որ մոսկովյան հանդիպման արդյունքներով կարող են դրական գործընթացներ լինել։
Հիշեցնենք, որ ապրիլի 4-ին էլ Մոսկվայում տեղի էր ունեցել ՌԴ-ի, Թուրքիայի, Իրանի և Սիրիայի ԱԳ փոխնախարարների հանդիպումը։
Էմմա Չոբանյան
