10.08.2026 | 10:10
Ուկրաինական ԱԹՍ-ները հարվածել են Նիժնեկամսկին․ թիրախը, հավանաբար, «Նիժնեկամսկնեֆտեխիմ» գործարանն է եղել
«Ալիևի նավթադոլարային թմրասեղին նստած բոլոր կոռուպցիոներները պետք է հեռանան». Ստրասբուրգում ստորագրահավաք է սկսվել Պեդրո Ագրամունտի և Ջորդի Կոստայի հրաժարականի պահանջով. Նաիրա Զոհրաբյան
Քաղաքականություն
27.06.2018 | 12:22
ԱԺ «Ծառուկյան» խմբակցության պատգամավոր Նաիրա Զոհրաբյանը ֆեյսբուքի իր էջում արված գրառմամբ տեղեկացնում է, որ Ստրասբուրգում եվրոպական ռեֆորմիստների մեր խումբը ս ստորագրահավաք է սկսկել` իսպանացի սենատոր Պեդրո Ագրամունտի և կատալոնացի Ջորդի Կոստայի հրաժարականի պահանջով:
«Այս պահին Ստրասբուրգում եվրոպական ռեֆորմիստների մեր խումբը սկսեց ստորագրահավաք` Ալիևի անձնական օգտագործման լաքեյների` իսպանացի սենատոր Պեդրո Ագրամունտի և կատալոնացի Ջորդի Կոստայի հրաժարականի պահանջով։
Չնայած մեկ տարի առաջ մենք հասանք նրան, որ Ագրամունտը հեռացվեց ԵԽԽՎ նախագահի պաշտոնից, սակայն նա չպետք է մնա անգամ ԵԽԽՎ շարքային պատգամավոր։
Վստահ եմ,որ անհրաժեշտ ստորագրությունները շատ արագ կհավաքենք և ուզում եմ հուսալ, որ իսպանական պատվիրակությունը չի համառի և կստիպի պատվիրակության երկու խոշոր կոռուպցիոներներին վայր դնել ԵԽԽՎ պատգամավորի մանդատը։
Ալիևի նավթադոլարային թմրասեղին նստած բոլոր կոռուպցիոներները պետք է հեռանան»,- գրել է նա:
