14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Լեհաստանում չեն բացառել, որ Ուկրաինայում պատերազմը կարող է մի քանի տարի տևել
Քաղաքականություն
14.04.2023 | 19:24
Լեհաստանի կառավարությունն հնարավոր է համարում այն, որ Ռուսաստանի պատերազմն Ուկրաինայի դեմ կարող է տևել մի քանի տարի։ Այս մասին NBC News-ին տված հարցազրույցում ասել է Լեհաստանի վարչապետ Մաթեուշ Մորավիեցկին։
«Մենք ոչ մի ժամկետ չենք հաշվարկում, այլ պարզապես դիտում ենք, թե ինչ է կատարվում ճակատում, մարտի դաշտում, և դրան համապատասխան՝ փորձում ենք հարմարվել իրավիճակին, դիվանագիտական ճանապարհով աշխատել Արևմտյան Եվրոպայի մեր գործընկերների հետ, որպեսզի աջակցենք Ուկրաինային»,- պարզաբանել է պաշտոնյան։ Պատասխանելով լրագրողի այն հարցին, թե արդյո՞ք այս պատերազմը կարող է մի քանի տարի շարունակվել, նա ասել է, որ իրադարձությունների նման զարգացումը հնարավոր է։
Հիշեցնենք, որ Մաթեուշ Մորավիեցկին ավելի վաղ հայտարարել էր, որ իր երկիրը մտադիր է ՄիԳ-29 կործանիչների նոր խմբաքանակ փոխանցել Ուկրաինային։ Գերմանիան հավանություն էր տվել Լեհաստանի կողմից Ուկրաինային 5 ՄիԳ-29 կործանիչ փոխանցելու գաղափարին։
