25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Թուրքական արտադրության առաջին դիտորդական արբանյակի արձակումն արդեն երկրորդ անգամ հետաձգվում է
Քաղաքականություն
14.04.2023 | 20:49
TÜBİTAK UZAY-ի կողմից մշակված թուրքական İMECE արբանյակի արձակումը հետաձգվել է անբարենպաստ եղանակային պայմանների պատճառով նախատեսված մեկնարկից 27 վայրկյան առաջ, գրում է Անադոլու գործակալությունը։ Արձակումը նախատեսված էր ԱՄՆ Վանդենբերգ տիեզերական կենտրոնից Թուրքիայի ժամանակով 09.48-ին։
SpaceX ընկերությունը, որը պատասխանատու է Falcon 9 հրթիռի արձակման համար, որն էլ ուղեծիր էր դուրս բերելու İMECE արբանյակը, ասել է, որ եղանակային անբարենպաստ պայմանների պատճառով արձակումը հետաձգվել է մինչև շաբաթ։ Այն տեղի է ունենալու ապրիլի 15-ին։
Թուրքական արտադրության առաջին հեռազննման արբանյակի հնարավորությունների շրջանակը լայն է՝ թիրախների հայտնաբերումից և բնական աղետների հետևանքների վերացումից մինչև գյուղատնտեսության ոլորտի զարգացմանը նպաստելը։
İMECE-ի հետ մեկտեղ SpaceX-ի հրթիռը ուղեծիր դուրս բերելու ևս երեք թուրքական արբանյակներ՝ KILIÇSAT, PLAN-S և CONNECTA T2.
Հավելենք, որ թուրքական այս արբանյակի արձակումը նախատեսված էր ապրիլի 11-ին, սակայն կրկին հետաձգվել էր եղանակային պայմանների պատճառով։
Էմմա Չոբանյան
