15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Պաշտոնանկություն՝ առանց պարզաբանման. Նիկոլ Փաշինյանի ձախողված հանձնարարականը․ ՏԵՍԱՆՅՈւԹ
Քաղաքականություն
13.04.2023 | 20:55
ԱԱԾ սահմանապահ զորքերի հրամանատարի պաշտոնանկությունից մեկ օր անց իշխանությունը որևէ պարզաբանում չի ներկայացնում, թե ինչով է պայմանավորված բարձրաստիճան զինվորականին զբաղեցրած պաշտոնից հեռացնելու որոշումը:
2020 թվականի հոկտեմբերից սահմանապահ զորքերի հրամանատարի պաշտոնը զբաղեցրած Արման Մարալչյանի պաշտոնանկությանը նախորդրել էր Սյունիքի մարզի Տեղ գյուղի հատվածում հայ-ադրբեջանական զորքերի միջև բախումները, որոնց հետևանքով հայկական կողմը ունի 4 զոհ , 6 վիրավոր:
Կապ ունի՞ արդյոք սահմանապահ զորքերի հրամանատարի ազատումը այս միջադեպի հետ, իշխանական պատգամավորներից որոշները առհասարակ տեղյակ չէին գնդապետի պաշտոնանկությունից:
Տեղեկացվածներից որոշները, սակայն, չհերքեցին՝ Մարալչյանի ազատման պատճառը Տեղ գյուղի դեպքերն են: Առանց անուններ նշելու երեկ կառավարություն-ազգային ժողով հարցուպատասխանի ժամանակ Տեղ գյուղի դեպքերին անդրադարձավ վարչապետ Նիկոլ Փաշինյանը: խոստովանեց՝ իրադարձությունների այդպիսի ընթացքը կանխատեսել էր և դրանից ելնելով ինքը հանձնարարականներ էր տվել, որոնք չեն կատարվել:
Թե ում և ինչ հանձնարարություններ են տրվել, որոնք ձախողվել են, Փաշինյանը այդպես էլ չպարզաբանեց: Երկու շաբաթ առաջ Տեղ գյուղի հատվածում ադրբեջանցիները ներխուժեցին Հայաստանի ինքնիշխան տարածք: Ըստ պաշտոնական տեղեկության՝ ադրբեջանական կողմը 100-ից 300 մետր սահմանից առաջ է տեղակայված: Այս ամենից հետո, սակայն, ուժային կառույցներում պաշտոնանկություն չեղավ: Ավելին՝ նախորդ շաբաթ Նիկոլ Փաշինյանը հայտարարում էր՝ սահմանապահների տեղակայման կետերի ճշգրտման ուղղությամբ աշխատանքներ են տարվել և իրավիճակը որոշակիոեն բարելավվել է: Ընդդիմադիր պատգամավոր Տիգրան Աբրահամյանի կարծիքով՝ եթե գնդապետ Արման Մարալչյանը իսկապես սխալներ է թույլ տվել, ապա իշխանությունը բացի պաշտոնանկությսունից պետք է նաև մանրամասներ ներկայացնի Տեղ գյուղում զարգացումներից:
Տեղ գյուղում ովքեր ր ինչ հարցերում են թեարցել: Այց հարցին այսօր հստակ պատասխան չտվեց նաև զինված ուժերի գլխավոր շտաբի պետ Էդվարդ Ասրյանը, որը Ազգային ժողովում էր Տեղ գյուղում իրավիճակի վերաբերյալ ընդդիմադիր և իշխանական պատգամավորների հետ փակ քննարկման:
Պատգամավոր Տիգրան Աբրահամյանի գնահատմամբ՝ եթե անվտանգային համակարգում պարբեաբար խնդիրներ են ի հայտ գալիս , ապա այստեղ հարցը ոչ թե ներքին օղակներում թերացումների մասին է, այլ ամենաբարձր մակարդակում:
Ընդդիմադիր պատգամավորի համոզմամբ՝ քաղաքապան պատասխանատվությունից խուսափելու համար Նիկոլ Փաշինյանը մշտապես թիրախներ է փնտրելու:
Մասնրամասները՝ տեսանյութում։
Շողիկ Գալստյան
