26.11.2024 | 12:20
Ֆիննախի վարքագիծը կոռուպցիոն ռիսկեր է պարունակում. Զոհրաբյանը Հովհաննիսյանի հայտարարագիրը ներկայացրեց․ ՏԵՍԱՆՅՈՒԹ
Ադրբեջանից հեռացել են «անցանկալի անձ» ճանաչված իրանցի դիվանագետները
Քաղաքականություն
07.04.2023 | 18:24
Բաքվի իշխանությունների կողմից «անցանկալի անձ» ճանաչված Իրանի դեսպանատան աշխատակիցները հեռացել են Ադրբեջանից, գրում են ադրբեջանական լրատվականները։
Նրանք Ադրբեջանը լքել են Բիլասուվար մաքսային սահմանային անցակետով։ Դիվանագետների հետ հեռացել են նաև նրանց ընտանիքի անդամները։
Դիվանագետների արտաքսումն ակտիվորեն լուսաբանում են ադրբեջանական պետական լրատվականները՝ լուսանկարներ և տեսանյութեր հրապակելով, որը խոսում է այն մասին, որ Բաքուն ցանկանում է այս քայլին հնարավորինս մեծ հնչեղություն տալ։
«Անցանկալի անձ ճանաչված» դիվանագետներն են՝ Միրմահդի Միրսալամպուր Շարիֆը, Գուրմանալի Պուրմյարջան Վարջովին, Հադի Մոհադամը և Էսգեր Բահարի Հոշ Մյանզյարը։
Հիշեցնենք, որ նախօրեին Բաքվում Իրանը դեսպանը կանչվել էր Ադրբեջանի ԱԳՆ։ Դեսպանին տեղեկացրել էին, որ դեսպանատան չորս աշխատակիցներ հայտարարվել են «անցանկալի անձ» և 48 ժամ ունեն՝ Ադրբեջանը լքելու համար։
Էմմա Չոբանյան
