16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Կրեմլը հետևել է Սի Ցզինպինի և Մակրոնի շփումներին
Քաղաքականություն
07.04.2023 | 20:23
Չինաստանի առաջնորդ Սի Ցզինպինի և Ֆրանսիայի նախագահ Էմանուել Մակրոնի շփումները շատ կարևոր էին, և Կրեմլը հետևել է հաղորդագրություններին։ Այս մասին ասել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին։
«Դրանք շատ կարևոր շփումներ էին, և մենք, իհարկե, հետևել ենք այդ հարցի վերաբերյալ բոլոր հաղորդագրություններին»,- լրագրողներին ասել է Պեսկովը։
Հիշեցնենք, որ Ֆրանսիայի ղեկավարը չորեքշաբթի պետական այցով ժամանել է Չինաստան։ Նրա հետ միասին Չինաստան է ժամանել Եվրահանձնաժողովի ղեկավարը։ Հինգշաբթի Պեկինում Չինաստանի նախագահ Սի Ցզինպինը բանակցություններ է վարել Մակրոնի և Ուրսուլա ֆոն դեր Լեյենի հետ։
Չինաստանի առաջնորդի և եվրոպացի քաղաքական գործիչների բանակցությունների կարևոր թեմաներից մեկն ուկրաինական ճգնաժամի կարգավորման խնդիրն էր։
Տաթև Ֆռանգյան
