13.10.2026 | 10:13
Երևանի ավագանու նիստը՝ ՈՒՂԻՂ
Պոլսո Հայոց պատրիարքարանը պատրիարքի ընտրության հարցով ժողով է հրավիրել
Քաղաքականություն
04.07.2017 | 15:10
Պոլսո Հայոց պատրիարքարանի եկեղեցական խորհուրդն այսօր ժողով է հրավիրել. հաղորդում է «Ակօսը»։
Ժողովի ընթացքում քննարկվելու է Պոլսո Հայոց պատրիարքի ընտրությունները ղեկավարող խմբի անդամների նշանակման հարցը: Հայտնի է, որ խմբի անդամների թիվը կտատանվի 15-ից 21-ի միջև։ Խմբում ընդգրկված կլինի նաև 2 հոգևորական։
Նշվում է, որ հանդիպումը կկայանա ժամը 17-ին:
Հիշեցնենք, որ մարտի 15-ին Ստամբուլում տեղի էր ունեցել Պոլսո Հայոց պատրիարքի տեղապահի ընտրությունը, ուր հաղթանակ էր տարել Գարեգին Բեկչյանը։ Սակայն ընտրություններում պարտված Արամ արքեպիսկոպոս Աթեշյանը ընտրություններից անմիջապես հետո հայտարարել էր, որ չի հեռանա տեղապահի պաշտոնից, քանի որ Ստամբուլի նահանգապետարանից գրություն էր ստացվել, ուր նշված էր, որ իրավաբանորեն անհնար է համարվում պատրիարքական ընտրությունների գործընթացի մեկնարկը: Նշենք, որ կոմայի մեջ է գտնվող Պոլսո պատրիարք Մեսրոպ Մութաֆյանի փոխարեն այդ լիազորությունները կատարում էր Արամ արքեպիսկոպոս Աթեշյանը, որն ընտրվել էր ոչ թե հայ համայնքի, այլ պետության կողմից։
Նշենք նաև, որ հուլիսի 28-ին Պոլսո Հայոց պատրիարքարանի եկեղեցական խորհուրդը Արամ արքեպիսկոպոս Աթեշյանին կարգալույծ էր արել։ Որոշումն ընդունվել էր ձայների 22 կողմ, 2 դեմ քվեարկությամբ։
Առաջիկայում սպասվում են Պոլսո Հայոց պատրիարքի ընտրությունները:
