25.11.2024 | 10:18
Վրաստանի խորհրդարանում գործարկվել է անվտանգության դեղին մակարդակ
Լեհաստանը մտադիր է ՆԱՏՕ-ից անվտանգության երաշխիքներ ստանալ Ուկրաինայի համար
Քաղաքականություն
05.04.2023 | 18:52
Լեհաստանի նախագահ Անջեյ Դուդան ապրիլի 5-ին Վարշավայում հյուրընկալելով Ուկրաինայի նախագահ Վլադիմիր Զելենսկիին՝ վստահեցրել է, որ Կիևի համար անվտանգության լրացուցիչ երաշխիքներ կփնտրեն հուլիսին նախատեսված ՆԱՏՕ-ի հաջորդ գագաթնաժողովի ընթացքում, գրում է BBC-ի ռուսական ծառայությունը։
«Մենք փորձում ենք հասնել Ուկրաինայի համար անվտանգության լրացուցիչ երաշխիքների, որոնք կամրապնդեն երկրի ռազմական ներուժը»,- Ուկրաինայի նախագահի հետ հանդիպումից հետո լրագրողներին ասել է Դուդան։
Նա նաև հիշեցրել է, որ Լեհաստանը լիովին աջակցում է Ուկրաինայի՝ ՆԱՏՕ-ին միանալու գաղափարին և կօգնի Կիևին այդ ճանապարհին։
ՆԱՏՕ-ի գլխավոր քարտուղար Յենս Ստոլտենբերգն այսօր հայտարարել է, որ դաշինքին Ուկրաինայի ապագա անդամակցության հիմքը պետք է լինեն երկրում անկախության և ժողովրդավարության սկզբունքները, այն ամենը, ինչին Ռուսաստանը ներկայում մարտահրավեր է նետել։
Տաթև Ֆռանգյան
