05.11.2024 | 12:30
Եվրամիությունը նախատեսում է Հայաստանին 270 մլն եվրոյի չափով աջակցություն տրամադրել․ Պարույր Հովհաննիսյան
ՌԴ-ն Բելառուսին է հանձնել «Իսկանդեր-Մ», որը կարող է նաև միջուկային հրթիռ կրել․ Շոյգու
Քաղաքականություն
04.04.2023 | 17:47
Ռուսաստանը Բելառուսին է հանձնել «Իսկանդեր-Մ» օպերատիվ-մարտավարական հրթիռային համակարգը, որը կարող է օգտագործել ինչպես սովորական, այնպես էլ միջուկային հրթիռներ։ Այս մասին հայտարարել է ՌԴ պաշտպանության նախարար Սերգեյ Շոյգուն, փոխանցում է RTVI-ը։
«Բելառուսական գրոհային ինքնաթիռի մի մասը միջուկային զենքով թշնամու թիրախներին հարվածելու հնարավորություն է ստացել»,- ասել է Շոյգուն։
Նա պարզաբանել է, որ սրանք պատասխան միջոցներ են, որոնք ձեռնարկվել են այն պատճառով, որ «ՆԱՏՕ-ն մի շարք միջոցառումներ է իրականացնում միացյալ զինված ուժերի մարտունակությունը բարձրացնելու, Ռուսաստանի և Բելառուսի սահմանների մոտ մարտական պատրաստության և հետախուզական գործունեության ակտիվացման համար»։
«Մոտ ապագայում Ֆինլանդիան կդառնա դաշինքի անդամ։ Իհարկե, այս ամենը հակամարտության զգալի ընդլայնման ռիսկեր է ստեղծում, սակայն դա չի ազդի հատուկ գործողության ելքի վրա»,- հավելել է Շոյգուն։
Տաթև Ֆռանգյան
