25.11.2024 | 15:17
Խախտումներ շինհրապարակում. ԲԸՏՄ
Ամուլսարի շահագործումը աղետ է և պետք է կասեցնել. 7 մասնագետի կողմից ներկայացվել է փաստաթուղթ
Հասարակություն
04.07.2017 | 14:38
Ամուլսարի ոսկու հանքավայրի շահագործման ոչ միայն վնասներն են աղաղակող, այլև դրա հետ մեկտեղ կան ակնհայտ ապօրինի գործողություններ. Այս մասին այսօր բարձրաձայնեց տնտեսագետ Թաթուլ Մանասերյանը։
«Այն ընկերությունը, որ տվել է իր հաշվետվություններն Ամուլսարի վերաբերյալ, պետք է նաև ներկայացներ մասնագիտական հետազոտություններ: Մարդիկ ազնվորեն խոստացել են, որ ոչինչ չեն արել, ավելին՝ 405 հզ դոլար են պահանջում, որ նոր միայն հարկ համարեն կատարել բիոքիմիական ուսումնասիրություններ: Ստացվում է, որ իրենք ստացել են թույլտվությունը հանքի շահագործման՝ առանց հստակ ուսումնասիրություններ կատարելու»:
Մանասերյանի խոսքով՝ Ամուլսարի շահագործումը աղետ է մեր երկրի համար և պետք է կասեցնել: «Երկրի բյուջեն լցնելու համար ավելի լավ է դրամահավաք սկսել, քան նման անարժանապատիվ ձևով կուլ գնալ այդ խոստումներին»,-նշեց Մանասերյանը:
Բնապահպան Լևոն Գալստյանը ավելացրեց, որ մեր երկիրը գետերի հովիտներ է և մենք հերթով այդ բոլոր հովիտները ոչնչացնում ենք:
