18.12.2025 | 18:26
ԱՄՆ-ն առաջարկել է Զապորոժիեի ԱԷԿ-ն օգտագործել երեք երկրների համար. Կիևը դա անարդար է համարում. Զելենսկի
Դոնալդ Թրամփը, հնարավոր է, շուտով կալանավորվի․ նրան պաշտոնական մեղադրանք կներկայացվի
Քաղաքականություն
31.03.2023 | 10:37
Դոնալդ Թրամփը դարձել է պատմության մեջ առաջին ԱՄՆ նախկին նախագահը, ում դեմ պաշտոնապես քրեական գործ կհարուցվի։ Մանհեթենի Մեծ ատենակալները քվեարկել են այս որոշման օգտին, գրում է BBC-ի ռուսական ծառայությունը։
Լուրը հաստատել է Մանհեթենի շրջանային դատախազ Էլվին Բրեգի գրասենյակը։ Մեղադրանքի մանրամասներն առայժմ չեն բացահայտվում։
Սա Թրամփի դեմ տարվող մի քանի հետաքննություններից մեկն է, որը կապված է Սթորմի Դենիելսին (իսկական անունը՝ Ստեֆանի Քլիֆորդս) լռության դիմաց գումար վճարելու հետ: Ըստ գործի նյութերի՝ 2016 թվականի ընտրություններից առաջ Թրամփը փաստաբանի միջոցով 130,000 դոլար է վճարել Սթորմի Դենիելսին, որպեսզի վերջինս լռի տասը տարի առաջ իր հետ սեռական հարաբերություն ունենալու մասին:
Թրամփն ու նրա փաստաբանը դա ներկայացրել են որպես իրավաբանական ծառայությունների համար վճարում, որը համարվում է խարդախություն Նյու Յորք նահանգում և պատժվում է քրեական օրենսգրքով: Փաստաբան Մայքլ Քոենը 2018 թվականին դատապարտվել էր երեք տարվա ազատազրկման, սակայն Թրամփին, որն այն ժամանակ նախագահ էր, պաշտոնապես մեղադրանք չէր առաջադրվել։
Տաթև Ֆռանգյան
