17.05.2026 | 12:21
«Եվրատեսիլ 2026»-ում հաղթել է Բուլղարիան
Ավստրիական Raiffeisen Bank-ը որոշել է ազատվել ՌԴ-ում իր բիզնեսից
Քաղաքականություն
30.03.2023 | 21:26
Ավստրիական Raiffeisen Bank International-ը մտադիր է ուսումնասիրել իր ռուսական «դուստր ընկերությունը» վաճառելու կամ այն բանկային խմբից դուրս բերելու հնարավորությունը։ Այս մասին բանկային խմբի բաժնետերերի տարեկան ընդհանուր ժողովում հայտարարել է գործադիր տնօրեն Յոհան Շտրոբլը, գրում է BBC-ի ռուսական ծառայությունը։
Ըստ Reuters-ի՝ բանկը կշարունակի կրճատել իր բիզնեսը Ռուսաստանում, սակայն կպահպանի որոշ բանկային բիզնեսներ և բանկային գործունեության լիցենզիա։
«Մենք որոշել ենք դիտարկել պոտենցիալ գործարքները, որոնք կհանգեցնեն ռուսական Raiffeisenbank-ի վաճառքին կամ դուրսբերմանը RBI Group-ից՝ լիովին տեղական և միջազգային օրենքներին ու կանոնակարգերին համապատասխան, ինչպես նաև իրավասու մարմինների հետ երկխոսության միջոցով»,- ասել է Յոհան Շտրոբլը։
Հավելենք, որ անցյալ շաբաթ Reuters-ը հրապարակում էր արել, որում բանկի գործերի վիճակին ծանոթ մի քանի անանուն աղբյուրներ ասում են, որ ԱՄՆ-ի արտահայտած մտահոգություններից հետո Եվրոպական կենտրոնական բանկը սկսել է ճնշում գործադրել Raiffeisen Bank International-ի վրա՝ իր բիզնեսը Ռուսաստանից դուրս բերելու համար:
Էմմա Չոբանյան
