17.05.2026 | 12:40
ՄԻՊ-ը խիստ մտահոգիչ է համարում «Նուբարաշենի» հոգեբուժարանում արձանագրված ինքնասպանության դեպքը
Կրեմլում Պուտինի՝ Թուրքիա այցի վերաբերյալ դեռ որոշում չեն կայացրել
Քաղաքականություն
30.03.2023 | 17:59
Կրեմլը դեռ հստակ որոշում չի կայացրել ապրիլի 27-ին Թուրքիայում «Աքքույու» ատոմակայանին նվիրված միջոցառումներին ՌԴ նախագահ Վլադիմիր Պուտինի մասնակցության ձևաչափի վերաբերյալ, սակայն, ամեն դեպքում, Ռուսաստանը դրանց կմասնակցի պատշաճ մակարդակով։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է Ինտեֆաքսը։
«Դեռևս հստակ որոշումներ չեն կայացվել։ Կարելի է ասել, որ, այսպես թե այնպես, ռուսական կողմը համարժեք ներկայացված կլինի և կմասնակցի արարողությանը, որը տեղի կունենա ապրիլի վերջին»,- ասել է նա։
Հավելենք, որ նախօրեին թուրքական լրատվականների հետ զրույցում Թուրքիայի նախագահ Ռեջեփ Թայիփ Էրդողանը չէր բացառել, որ ապրիլի 27-ին Պուտինը կարող է այցելել Թուրքիա՝ կապված «Աքքույու» ԱԷԿ-ում միջուկային վառելիքի առաջին բեռնման հետ։
«Ներկայում մենք հաջողությամբ շարունակում ենք «Աքքույու»ԱԷԿ-ի կառուցումը։ Հնարավոր է՝ պարոն Պուտինն ապրիլի 27-ին ժամանի կամ մենք օնլայն ռեժիմով կապվենք և անենք «Աքքույու»-ի առաջին քայլը»,- ասել էր Թուրքիայի նախագահը։
Էմմա Չոբանյան
