13.09.2026 | 15:08
Tour of Armenia-ի եզրափակիչ՝ չորրորդ մրցափուլը Երևանում
Հունաստանի ՊՆ ղեկավարը կայցելի Թուրքիայի՝ երկրաշարժից տուժած շրջաններ և կհանդիպի թուրք գործընկերոջը
Քաղաքականություն
30.03.2023 | 15:24
Հունաստանի պաշտպանության նախարար Նիկոս Պանագիոտոպուլոսը հաջորդ շաբաթ կմեկնի Թուրքիայի՝ երկրաշարժից տուժած հարավարևելյան շրջաններ և կհանդիպի իր թուրք գործընկեր Հուլուսի Աքարին, գրում է ekathimerini-ն։
Հաղորդվում է, որ հանդիպումը տեղի է ունենալու ապրիլի 4-ին՝ որպես շարունակություն երկու նախարարների շփումների, որոնք չէին չդադարում, նույնիսկ երբ երկկողմ հարաբերություններն ամենալարված էին՝ նախքան Թուրքիայում փետրվարյան ավերիչ երկրաշարժն ու Աթենքի տրամադրած օգնությունը։
Երկու նախարարների հանդիպման օրակարգը հայտնի չէ, և հազիվ թե նրանք կոնկրետ պայմանավորվածություններ ձեռք բերեն։ Երկու երկրներում էլ հիմա նախընտրական շրջան է։
Հավելենք, որ մարտի սկզբին էլ տեղի է ունեցել երկու երկրների ՊՆ ղեկավարների հեռախոսազրույցը, որի ընթացքում կողմերը համաձայնել էին մշակել բարիդրացիական հարաբերությունների և միջազգային իրավունքի վրա հիմնված օրակարգ։
Էմմա Չոբանյան
