26.02.2026 | 15:51
Մեքենայում գազաբալոն տեղադրելու գործընթացը կտեսագրվի
ԱՄՆ-ի հետ սահմանին տեղակայված Մեքսիկայի միգրանտների կենտրոնում հրդեհը 39 մարդու կյանք է խլել
Քաղաքականություն
28.03.2023 | 21:12
Առնվազն 39 միգրանտ է զոհվել Մեքսիկայի հյուսիսում գտնվող Սյուդադ Խուարես քաղաքի՝ միգրանտների համար նախատեսված կենտրոնում բռնկված հրդեհի հետևանքով, գրում է BBC-ի ռուսական ծառայութոյունը։
Հրդեհը բռնկվել է երկուշաբթի երեկոյան՝ տեղական ժամանակով մոտավորապես 22:00-ին, Միգրացիայի ազգային ինստիտուտում, որը գտնվում է Սթենթոն միջազգային կամրջի կողքին։ Այն կապում է մեքսիկական Սյուդադ Խուարես քաղաքը ամերիկյան Տեխաս նահանգի Էլ Պասոյի հետ:
Ինստիտուտը հայտնել է, որ կենտրոնում 68 չափահաս տղամարդ է եղել Կենտրոնական և Հարավային Ամերիկայից, որոնցից 29-ը տուժել են հրդեհի հետևանքով և տեղափոխվել շրջանի չորս հիվանդանոցներ:
Ականատեսներից մեկը Reuters-ին հայտնել է, որ դիակներ է տեսել և հաստատել, որ կրակն արդեն մարվել է: Նրա խոսքով՝ հաստատությունում գտնվող միգրանտներից շատերը Վենեսուելայի քաղաքացիներ են եղել։
Պաշտոնական հայտարարություն այն մասին, թե ինչն է հրդեհի բռնկման պատճառը, չի եղել, սակայն տեղական թերթերը հայտնում են, որ հրդեհից կարճ ժամանակ առաջ շենքի ներսում ծեծկռտուք է սկսվել։ Որոշ տեղեկությունների համաձայն՝ միգրանտներն ի նշան բողոքի ներքնակներ են այրել։
Մեքսիկայի Գլխավոր դատախազությունը հետաքննություն է սկսել։
Տաթև Ֆռանգյան
