14.09.2026 | 17:57
Կրեմլը ողջունել է Կիևին ուղղված Թրամփի կոչը՝ դադարեցնել ՌԴ-ի տնտեսական ենթակառուցվածքների վրա հարձակումները
Ալիևը մեղադրել է ԵԱՀԿ Մինսկի խմբին Լաչինի միջանցքի «օկուպացիան ամրապնդելու փորձերի մեջ»
Քաղաքականություն
28.03.2023 | 15:55
Ադրբեջանի նախագահ Իլհամ Ալիևը հայտարարել է, որ «Բաքուն որևէ մեկին թույլ չի տա Ադրբեջանի հետ խոսել վերջնագրի լեզվով ու հայտարարել, է որ Ադրբեջանը վերադարձրել է Լաչինի շրջանը ինչպես մարտի դաշտում, այնպես էլ քաղաքական ճանապարհով», փոխանցում է Ինտերֆաքսի ադրբեջանական ծառայությունը։
Ադրբեջանի նախագահը հայտարարել է, թե ԼՂ հակամարտության կարգավորման հարցով երկար տարիների բանակցությունների ընթացքում միջնորդները մշտապես «ինչ-որ հատուկ մոտեցում են ունեցել Լաչինի միջանցքի նկատմամբ, և Հայաստանը Լաչինի միջանցքի վերադարձն անընդունելի էր համարում»,-հայտարարել է Ալիևը՝ նշելով, թե Մինսկի խումբը փորձում էր ամրապնդել «օկուպացիան»։
«Միջազգային միջնորդները՝ նախկին ԵԱՀԿ Մինսկի խումբը, բանակցություններ վարելով, փաստացիորեն, փորձում էին ամրապնդել այդ օկուպացիան»,-հայտարարել է Ալիևը։
Տաթև Ֆռանգյան
