05.11.2024 | 14:28
Վարչական դատավարության և դատական ակտերի հարկադիր կատարման ոլորտի համակարգային խնդիրները. ՈՒՂԻՂ
Ռուսները գրեթե հասել են Բախմուտի կենտրոն. ISW
Քաղաքականություն
28.03.2023 | 15:22
Պատերազմի ուսումնասիրության ամերիկյան ինստիտուտը (ISW) հերթական զեկույցում գրում է Բախմուտում ռուսների առաջխաղացման մասին՝ հարավից դեպի քաղաքի կենտրոն և հյուսիս-արևմուտք։
Անդրադառնալով գեոլոկացիոն տեսանյութերին՝ ISW-ի վերլուծաբանները, մասնավորապես, գրում են, որ «Վագների» հիմնադիր Եվգենի Պրիգոժինը մարտի 27-ին եղել է Բախմուտի 5-րդ դպրոցի շենքում, որը Բախմուտի քաղաքային խորհրդից մեկ կիլոմետրից պակաս հեռավորության վրա է։
Բացի այդ, կրկին հիմնվելով գեոլոկացիոն տեսագրությունների վրա, ISW-ն հայտնում է, որ ռուսները շարժվել են քաղաքի հյուսիս-արևմուտքում, արտադրական գոտում և Զելյոնայա ու Ալեքսանդր Կոլպակովի փողոցների երկայնքով, որոնք Բախմուտի կենտրոնից մեկ կմ հեռավորությամբ են։
Զեկույցի հեղինակները նշում են, որ ռուս ռազմական բլոգերների հաղորդագրությունների համաձայն՝ Բախմուտի գրոհի հարցում «Վագների» վարձկաններին օգնում է ՌԴ կանոնավոր բանակը։
Տաթև Ֆռանգյան
