17.05.2026 | 18:48
Լսի՛, այ կալուգացի, ես քեզ ասել եմ` պետությունը կոկորդումդ ա մնալու, խռխռալու ես. Փաշինյան․ ՏԵՍԱՆՅՈւԹ
Ուկրաինական 50 հազար ԱԹՍ-ներ հարձակման են պատրաստվում. Forbes
Քաղաքականություն
27.03.2023 | 11:45
Ամերիկյան Forbes ամսագիրը գրում է, որ համացանցի ռուսալեզու հատվածը ակտիվորեն քննարկում է Ուկրաինա ներխուժած ռուսական զորքերի վրա տասնյակ հազարավոր անօդաչու թռչող սարքերի (ԱԹՍ) մոտալուտ հարձակումը, որը կարող է արմատապես փոխվել իրավիճակը առաջնագծում։
Անօդաչու թռչող սարքերի սպասվող հարձակման մասին դեռևս հունվարին խոսել էր Ալեքսեյ Արեստովիչը, որը մինչև վերջերս Ուկրաինայի նախագահ Վլադիմիր Զելենսկիի աշխատակազմի խորհրդական էր, իսկ փետրվարին Ուկրաինայի գլխավոր շտաբը հայտարարեց «աշխարհում առաջին անօդաչու թռչող սարքերի հարվածային վաշտի» ստեղծման մասին։
«Ռուս ինժեներ» տելեգրամյան ալիքի տեղեկությունների համաձայն՝ Ուկրաինան Չինաստանից գնել է համեմատաբար էժան, տեսախցիկներով հագեցած FPV ԱԹՍ-ների՝ շուկայում հասանելի բոլոր բաղադրիչները: ԱԹՍ-ները հագեցած են հզոր շարժիչներով, որոնք թույլ են տալիս զարգացնել մինչև 200 կմ/ժ արագություն: Դրանց կարող է նռնակ ամրացվել, այդ դեպքում սարքը կարող են օգտագործվել որպես ռադիոկառավարվող կամիկաձե ռոբոտ, որն ունակ է բավականին դիպուկ թիրախներ խոցել կառավորող օպերատորից բավականին մեծ հեռավորության վրա։
Forbes-ը հիշեցնում է, որ նման ռազմավարությունը Ուկրաինայի ԶՈւ-ի կողմից հաջող կիրառվել է անցած տարվա հուլիսի վերջին, երբ հաջողվել էր FPV սարքավորումը ներս մտցնել շինության դռնով ու պայթեցնել ռուս զինվորականների կողմից զբաղեցված սրահում։
