18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
«Դեմոկրատիա է, հո զենք ու զրահով չե՞նք գնալու իրենց վրա»․ պաշտոնյան՝ Ամուլսարի ճանապարհը փակած ջերմուկցիների մասին
Հասարակություն
22.06.2018 | 16:29
Ջերմուկցիներն այսօր վաղ առավոտից փակել են Ամուլսարի հանքավայր տանող ճանապարհը: Քաղաքի բնակիչները պահանջում են դադարեցնել հանքավայրի շահագործումը և խոստանում՝ ամեն գնով հասնել իրենց նպատակին։
Factor․am-ի հետ զրույցում Ջերմուկ համայնքի ղեկավարի տեղակալ Սամվել Մարգարյանը նշեց, որ թեև վաղ առավոտից քաղաքացիները փակել են ճանապարհը, սակայն չի հանդիպել և չի խոսել նրանց հետ: «Դեմոկրատիա է, էդ արտոնությունից օգտվում են։ Իրենց խնդիրն է, բարձրաձայնում են, հո զենք ու զրահով չե՞նք գնալու նրանց վրա։ Ես իրենց նախորդ անգամ հորդորել եմ, որ հարցերն էդպես չեն լուծում, բայց չեն լսում, ի՞նչ կարող եմ անել»,- ասաց Սամվել Մարգարյանը։
Հարցին՝ իսկ ո՞րն է հարց լուծելու քաղաքի ղեկավարության տարբերակը, համայնքի ղեկավարի տեղակալը պատասխանեց․ «Չգիտեմ, պատասխան ու տարբերակ չունեմ, ամեն ինչ անորոշ է»։
Հիշեցնենք, որ ջերմուկցիները որոշ ժամանակ առաջ ևս փակել էին Ամուլսարի հանքավայ տանող ճանապարհը և պահանջում էին, որպեսզի դադարեցվեն հանքի շահագործման աշխատանքները։ Այն ժամանակ Կառավարությանը և համայնքի ղեկավարությանը հաջողվեց լռեցնել բողոքի ակցիան՝ քաղաքացիներին խոստանալով խնդիրը լուծել, ինչը, փաստորեն, չի կատարվել։
