29.04.2026 | 11:55
Թրամփը հանձնարարել է իր օգնականներին պատրաստվել Իրանի երկարաժամկետ շրջափակմանը. WSJ
«Միլիոնավոր դոլարների վարկ են վերցրել ու մսխել»․ Արամ Սարգսյան․ ՏԵՍԱՆՅՈՒԹ
Քաղաքականություն
22.06.2018 | 15:35
Հայաստանի դեմոկրատական կուսակցության նախագահ Արամ Մանուկյանն այն համոզմանն է, որ Հայաստանի արտաքին պարտքի հիմքը դրվել է դեռևս Լևոն Տեր-Պետրոսյանի կառավարման տարիներից:
«Ավազակապետության հիմքը դրվեց Լևոն Տեր-Պետրոսյանի օրոք, Ռոբերտ Քոչարյանը ամրապնդել է այն, իսկ Սերժ Սարգսյանն էլ այդ համակարգը փայփայել և պահպանել է: Այս պատասխանատվությունը 3 նախագահների, վարչապետների վրա է, որովհետև որևէ մեկը չի ընդդիմացել, թե ինչու ենք այսքան պարտք անում»,- այսօր հրավիրված մամուլի ասուլիսի ժամանակ ասաց Ա․ Սարգսյանը։
Վերջինս նշեց, որ նոր Կառավարությունը՝ Նիկոլ Փաշինյանի գլխավորությամբ, եթե ցանկանում է իրոք պայքարել կոռուպցիայի դեմ, պետք է բացահայտի և հասարակության համար հասկանալի դարձնի, թե ինչից է գոյացել 7 մլրդ դոլարի արտաքին պարտքը։
«Օրինակ՝ 2016 թվականին միայն 700 մլն դրամով ավելացել է մեր արտաքին պարտքը, այսինքին՝ վերցնում են միլիոնավոր դոլարների վարկ և մսխում են։ Կառուցվածքային բարեփոխումների համար 7 մլն դոլարի վարկ են վերցրել, զարգացման քաղաքականության գործողությունների համար էլ վերցրել 366 մլն դոլարի վարկ, աջակցության ծրագրերի համար՝ 73 մլն դոլարի»,- ասաց Արամ Սարգսյանը։
Վերջինս անդրադարձավ նաև Հյուսիս-հարավ ավտոճանապարհի կառուցման համար վերցված վարկերին և նշեց, որ այդ ճանապարհի համար հատկացվել է կես մլրդ դոլարից ավելի գումար, սակայն, ճանապարհն այդպես էլ անավարտ է մնացել։
Մանրամասները՝ տեսանյութում։
