26.02.2026 | 15:13
Պապոյանը՝ վրացական սահմանին մնացած վարորդների մասին // Ջրամատակարարման գրաֆիկը կփոխվի. ԼՈՒՐԵՐ
Հարցումները ցույց են տվել, որ Էրդողանը կարող է հավաքել ձայների 47,4 տոկոսը
Քաղաքականություն
24.03.2023 | 15:16
Ընտրողների ավելի քան 47 տոկոսը պատրաստ է մայիսի 14-ին կայանալիք ընտրություններում Թուրքիայի գործող նախագահ Թայիփ Էրդողանի օգտին քվեարկել, ընտրողների ավելի քան 45 տոկոսը պատրաստ է քվեարկել նրա մրցակցի՝ ընդդիմության միասնական թեկնածու Քեմալ Քըլըչդարօղլուի օգտին։ Այս մասին են վկայում Optimar հետազոտական կենտրոնի տվյալները, գրում է ՌԻԱ Նովոստին:
«Optimar-ը, Հիլմի Դասդեմիրի գլխավորությամբ, հասարակական կարծիքի հետազոտություն իրականացնող ընկերություն է, որին ես պարբերաբար հետևում եմ։ Սա այն ընկերություններից է, որը ճշգրիտ կանխատեսել է 2014 և 2018 թվականների նախագահական ընտրությունների, ինչպես նաև 2017-ի հանրաքվեի արդյունքները։ Optimar-ի հարցումը, որն անցկացվել է մարտի 13-18-ը 1916 մարդու շրջանում, կարևոր տվյալներ է պարունակում»,- գրել է Հյուրիեթ պարբերականի սյունակագիր Աբդուլքադիր Սելվին։
Հարցման համաձայն՝ հիմնական պայքարն ընթանալու է Էրդողանի և Քըլըչդարօղլուի միջև։ Այսպիսով, գործող նախագահը, ըստ այդ տվյալների, ստանալու է քվեների 47,4 տոկոսը, նրա մրցակից Քեմալ Քըլըչդարօղլուն՝ 45,3 տոկոսը։
Տաթև Ֆռանգյան
