22.06.2026 | 13:27
Իրանի պատվիրակությունը ԱՄՆ-ի հետ 18 ժամ տևած բանակցություններից հետո մեկնել է Թեհրան
Բաքուն կրկին արձագանքել է Նիկոլ Փաշինյանի հայտարարություններին
Քաղաքականություն
23.03.2023 | 19:13
Ադրբեջանի ԱԳՆ-ն արձագանքել է ՀՀ վարչապետ Նիկոլ Փաշինյանի՝ այսօր Կառավարության նիստում հնչեցրած հայտարարություններին։ Ինչպես միշտ՝ Բաքուն հանդես է եկել քարոզչական թեզերով։
«Մենք դատապարտում և մերժում ենք Հայաստանի վարչապետ Նիկոլ Փաշինյանի կողմից Ադրբեջանի դեմ հնչեցրած բոլորովին անհիմն պնդումները, որը համառորեն կրկնում է մարտի 18-ի Հայաստանի ԱԳՆ-ի հայտարարությունը՝ չնայած մեր մանրամասն արձագանքին»,- ասվում է Ադրբեջանի ԱԳՆ խոսնակ Այխան Հաջիզադեի հայտարարության մեջ։
Ադրբեջանը, որի նախագահը շարունակում է Հայաստանի և Արցախի հասցեին սպառնալիքներ հնչեցնել, ատելության խոսք տարածել ու նոր ագրեսիայով սպառնալ, Հայաստանին մեղադրում է ագրեսիվ հռետորաբանության մեջ և շարունակում անհիմն մեղադրանքներ հնչեցնել, մասնավորապես՝ մեղադրելով «Ադրբեջանի տարածքային ամբողջականության վրա հարձակումների, նրա ներքին գործերին միջամտելու մեջ»։
Էմմա Չոբանյան
