17.05.2026 | 14:50
«Հայաստան» դաշինքի անդամները՝ Ռոբերտ Քոչարյանի գլխավորությամբ, Չարենցավանում են․ ՈւՂԻՂ
Ուկրաինայի ԶՈՒ ցամաքային զորքերի ղեկավարը հայտարարել է Բախմուտում հարձակման մասին
Քաղաքականություն
23.03.2023 | 16:48
Ուկրաինայի ցամաքային զորքերի հրամանատար Ալեքսանդր Սիրսկին հայտարարել է Բախմուտի շրջանում Ուկրաինայի զինված ուժերի մոտալուտ հարձակման մասին։ Նրա խոսքով՝ «Վագներ» զինված խմբավորումն է մնում Ռուսաստանի հիմնական ուժն այս ուղղությամբ, գրում է DW-ի ռուսական ծառայությունը։
«Ոչինչ չխնայելով՝ նրանք զգալի ուժ են կորցնում և շնչահեղձ են լինում: Շատ շուտով մենք կօգտվենք այս հնարավորությունից, ինչպես դա ժամանակին արեցինք Կիևի, Խարկովի, Բալակլեյի և Կուպյանսկի մոտ»,- գրել է Սիրսկին։
Հիշեցնենք, որ օրեր առաջ Ուկրաինայի նախագահ Վլադիմիր Զելենսկին այցելել էր Դոնեցկի շրջանի առաջնագիծ և պարգևատրել Բախմուտի պաշտպաններին։
Նշվում է, որ Զելենսկին այցելել է Բախմուտի ուղղությամբ տեղակայված ուկրաինացի զինվորականների դիրքեր։ Նա լսել է ռազմաճակատի այս հատվածում օպերատիվ իրավիճակի և ռազմական գործողությունների ընթացքի մասին զեկույցները, զրուցել զինվորականների հետ և շնորհակալություն հայտնել Ուկրաինայի պաշտպանության համար։
Տաթև Ֆռանգյան
