05.11.2024 | 14:42
Սամբոյի աշխարհի առաջնությանը Հայաստանը կներկայանա մեծաթիվ պատվիրակությամբ
Թուրքիան արժանի չէ F-16 կործանիչներին․ Բոբ Մենենդեսը՝ Բլինքենին
Քաղաքականություն
23.03.2023 | 15:55
ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսը սուր քննադատության է ենթարկել Թուրքիային ՆԱՏՕ-ի ընդլայնման հարցում նրա դիրքորոշման, Հունաստանի և Կիպրոսի հետ հարաբերությունների և մարդու իրավունքների իրավիճակի հետ կապված՝ հայտարարելով, որ Անկարան «արժանի չէ» Միացյալ Նահանգներից նոր կործանիչներ ձեռք բերել, գրում է ekathimerini-ն։
Մենենդեսը նման հայտարարություն է արել լսումների ժամանակ, որի ընթացքում ԱՄՆ պետքարտուղար Էնթոնի Բլինքենը սենատորներին տեղեկացրել է բյուջեի ավելացման մասին, որը պահանջվում է Պետքարտուղարության կողմից՝ «Ռուսաստանի ավտոկրատիայի և ագրեսիայի» ու Չինաստանի «երկարաժամկետ մարտահրավերի» դեմ պայքարելու համար:
Նշելով, որ Անկարան «առանց սադրանքի խախտում է մեկ այլ երկրի օդային տարածքը և տարածքային ջրերը, գնում է ռուսական զինտեխնիկա՝ խախտելով ԱՄՆ օրենսդրությունը, ունի ավելի շատ փաստաբաններ և լրագրողներ բանտում, քան գրեթե ցանկացած այլ երկիր, և բանտարկում է իր գլխավոր քաղաքական հակառակորդին հենց ընտրություններից առաջ, ձգտում է բռնի ուժով արգելափակել ԵՄ երկրի իրավունքները՝ ուսումնասիրելու իր էներգետիկ հանքավայրերը», Մենենդեսը հարց է ուղղել Բլինքենին․ «Ինչպե՞ս կբնութագրեք նման երկիրը»։
«Կարծում եմ՝ ես կանվանեի դժվար (մարտահրավերային) դաշնակից»,- պատասխանել է ԱՄՆ պետքարտուղարը։
«Ես այդ երկիրն անվանում եմ Թուրքիա և չեմ հավատում, որ նման երկիրն արժանի է, որ իրեն վաճառեն F-16-եր: Ես չգիտեմ, թե ինչ հաղորդագրություններ ենք մենք ուղարկում աշխարհին»,- արձագանքել է Մենենդեսը։
Էմմա Չոբանյան
