26.02.2026 | 18:37
Մանկապարտեզների աշխատողների աշխատավարձերը կբարձրանան 15-20 տոկոսով․ Ավինյան
ԱՄՆ-ում դատարանն Իրանի ԿԲ-ին պարտավորեցրել է փոխհատուցում վճարել զոհված ամերիկացի զինծառայողների ընտանիքներին
Քաղաքականություն
23.03.2023 | 15:19
Նյու Յորքի դաշնային դատարանն Իրանի Կենտրոնական բանկին և եվրոպական միջնորդին պարտավորեցրել է 1,68 միլիարդ դոլար վճարել 1983 թվականին Լիբանանում ԱՄՆ ծովային հետևակային կորպուսի զորանոցում ականապատ մեքենայի պայթյունի հետևանքով զոհված զինվորականների ընտանիքներին, գրում է VOA-ն:
Շրջանային դատավոր Լորետա Պրեսկան ասել է, որ 2019 թվականի դաշնային օրենքն Իրանի Կենտրոնական բանկին զրկել է դատական հայցերից սուվերեն անձեռնմխելիությունից, որի նպատակն է Իրանի դեմ դատական որոշումների իրականացումը՝ հարձակվողներին նյութական աջակցություն ցուցաբերելու համար:
Հայցում նշված է նաև Լյուքսեմբուրգում գտնվող Clearstream Banking SA ընկերությունը, որը հաճախորդային հաշվեհամարի վրա պահպանում է ակտիվները։ Դրա մայր կազմակերպությունը՝ Deutsche Boerse AG-ն, հայտարարել է, որ դիտարկում է այս որոշումը բողոքարկելու հնարավորությունը։
VOA-ն հիշեցնում է, որ 1983 թվականի հոկտեմբերի 23-ին ծովային հետևակի կորպուսի զորամասում պայթյունի հետևանքով զոհվել է 241 ամերիկացի զինծառայող։
Տաթև Ֆռանգյան
