19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
ՌԴ-ի արձակած հրթիռն ընկել է Զապորոժիեում բազմաբնակարան շենքի վրա․ Զելենսկի
Քաղաքականություն
22.03.2023 | 17:09
Ուկրաինայի նախագահ Վլադիմիր Զելենսկին տեսանյութ է հրապարակել, որում երևում է, թե ինչպես է հրթիռը հարվածում Զապորոժիեի բնակելի շենքերից մեկին, փոխանցում է BBC-ի ռուսական ծառայությունը։
«Ռուսաստանը վայրագ դաժանությամբ գնդակոծում է քաղաքը: Հարվածում է բնակելի թաղամասերին, որտեղ ապրում են սովորական մարդիկ և երեխաներ»,- գրել է Զելենսկին։
Ուկրաինական տելեգրամյան ալիքները հայտնում են նաև, որ հրթիռներից մեկը չի պայթել և գտնվում է բազմահարկ շենքի տանիքում։ Այս տեղեկության պաշտոնական հաստատում դեռևս չկա։
Այսօր ավելի վաղ Ուկրաինայի նախագահի աշխատակազմի ղեկավար Անդրեյ Երմակը հայտնել էր Զապորոժիեի հրետակոծության մասին։ Նրա խոսքով՝ գնդակոծության են ենթարկվել բնակելի շենքեր և Խորտիցա կղզին։
Տաթև Ֆռանգյան
