26.02.2026 | 21:37
Իսրայելը և Հնդկաստանը ստորագրել են 16 հուշագիր` խորացնելով ռազմավարական գործընկերությունը
Ամերիկացի սենատորները Ջո Բայդենին խնդրում են Կիևին կասետային զինամթերք տրամադրել
Քաղաքականություն
22.03.2023 | 19:06
ԱՄՆ հանրապետական մի խումբ սենատորներ նամակ են հղել նախագահ Ջո Բայդենին՝ Ուկրաինային կասետային զինամթերք տրամադրելու խնդրանքով, գրում է BBC-ի ռուսական ծառայությունը։
«Մենք դիմում ենք կոչով՝ անհապաղ Ուկրաինայի զինված ուժերին կասետային զինամթերք տրամադրել, ինչպիսին է երկակի նշանակության առաջադեմ սովորական զինամթերքը (DPICM)»,- ասվում է նամակում, որը հրապարակվել է ԱՄՆ Սենատի արտաքին հարաբերությունների հանձնաժողովի կայքում:
Հանրապետականները կարծում են, որ զինամթերքի տրամադրումը՝ զուգորդված այլ ռազմական աջակցությամբ, կօգնի ուկրաինացիներին շարունակել դուրս մղել ռուսական զորքերը երկրից:
«DPICM-ի տրամադրումը թույլ կտա Ուկրաինային փոխհատուցել Ռուսաստանի քանակական առավելությունը՝ ինչպես կենդանի ուժի, այնպես էլ հրետանային արկերի առումով, ինչպես նաև թույլ կտա Ուկրաինայի զինված ուժերին կենտրոնացնել մարտագլխիկների օգտագործումն ավելի արժեքավոր ռուսական թիրախների դեմ»,- գրել են սենատորները։
Կասետային զինամթերքի օգտագործումն արգելված է ավելի քան 100 երկրում, որոնք համապատասխան կոնվենցիան են ստորագրել։ Ռուսաստանը, Ուկրաինային և ԱՄՆ-ը դրան չեն միացել։
Էմմա Չոբանյան
