05.11.2024 | 14:50
Վրաստանում 30 տեղամասերում ընտրությունների արդյունքները չեղարկվել են
Պուտինը քրեական հանցագործ հայտարարվեց․ ՀՀ-ից կպահանջեն ասել՝ ՌԴ-ի՞ հետ է, թե՞ Արևմուտքի․ Վարդան Հարությունյան. ՏԵՍԱՆՅՈՒԹ
Քաղաքականություն
20.03.2023 | 19:32
Հաագայի միջազգային քրեական դատարանը Վլադիմիր Պուտինին, ՌԴ երեխաների իրավունքների պաշտպան Մարիա Լվովա-Բելովային ձերբակալելու միջազգային օրդեր տվեց։ Նրանք կասկածվում են ուկրաինացի երեխաների անօրինական տեղահանման մեջ։ ՄԱԿ-ի հետաքննչական հանձնաժողովը հայտարարել էր, որ ուկրաինացի երեխաների տեղափոխումը Ռուսաստանի տարածք կարող է ռազմական հանցագործություն համարվել։
Factor TV-ի հարցազրույցում «Իրավունքի և ազատության կենտրոնի» հիմնադիր, իրավապաշտպան Վարդան Հարությունյանից ճշտեցինք՝ ի՞նչ գնահատական ունի այս փաստի վերաբերյալ։ Ըստ իրավապաշտպանի՝ առավել քան հիմնավորված է մեղադրանքը։
«Այս մեղադրանքները հիմնված են հենց իրենց ելույթների վրա, կան տեսագրությունները, որտեղ Պուտինն ու Բելովան քննարկում են այդ հարցերը։ Կարևորն այն է, որ սա լուրջ, ծանր և ինչ-որ տեղ՝ տխուր դեպք է, որովհետև այստեղից հետդարձի ճանապարհ չկա։ Եթե մինչև այս որոշումը կարելի էր մտածել, որ հնարավոր է ստիպելով, համոզելով, շոյելով բանակցել, դադարեցնել արյունահեղությունը, արդեն պարզ է, որ դա չի լինելու։ Ըստ էության՝ աշխարհի ամենաուժեղ, ատոմային զենք ունեցող երկրներից մեկի նախագահը հայտարարվեց սովորական քրեական հանցագործ, որի հետ բանակցելը դառնում է անթույլատրելի և անիմաստ»,- ասաց նա։
Իրավապաշտպանը կարծում է, որ եթե մինչև վերջերս ՀՀ-ին տրված էր մանևրելու հնարավորություն, ապա Պուտինին ձերբակալելու միջազգային օրդեր տալուց հետո ՀՀ-ն պետք է հստակ դիրքորոշում ունենա՝ ՌԴ-ի՞ հետ է, թե՞ Արևմուտքի։
Հարցազրույցն ամբողջությամբ՝ տեսանյութում։
Ռոբերտ Անանյան
