22.06.2026 | 14:47
Փրկարարները 8-րդ օրը գետում գտան 13-ամյա աղջկա մարմինը
Փարիզը պահանջում է մարտի 5-ին Լեռնային Ղարաբաղում տեղի ունեցած դիվերսիայի թափանցիկ հետաքննություն
Քաղաքականություն
15.03.2023 | 14:58
Ֆրանսիայի արտաքին գործերի նախարար Կատրին Կոլոննան Ազգային ժողովում հայտարարել է մարտի 5-ին Լեռնային Ղարաբաղում տեղի ունեցած ադրբեջանական դիվերսիայի թափանցիկ հետաքննության անհրաժեշտության մասին, գրում է Ինտերֆաքսը։
Նա հավելել է, որ Ֆրանսիայի ԱԳՆ-ն արդեն պահանջել է, որ նման հետաքննություն անցկացվի և արդյունքները հրապարակվեն։
Կոլոննան նշել է, որ «Ֆրանսիան այն երկիրն է, որն ամենաշատն է շահագրգռված հայերին պաշտպանելու հարցում»։
Ֆրանսիայի ԱԳՆ-ն ավելի վաղ նաև հայտարարություն էր տարածել ադրբեջանական դիվերսիայի առնչությամբ։
Հիշեցնենք, որ մարտի 5-ին ժամը 10։00-ի սահմաններում Արցախում ադրբեջանական զինուժի դիվերսիոն խումբը «Խայփալու» կոչվող տեղանքում թիրախավորել և կրակ էր բացել ոստիկանության անձնագրային և վիզաների վարչության անձնակազմի հերթափոխի մեքենայի վրա։ ԱՀ ՆԳՆ ոստիկանության հաղորդմամբ՝ դիվերսիոն ներթափանցման հետևանքով զոհվել է ոստիկանության 3 ծառայող. փոխգնդապետ՝ Արմեն Մայորի Բաբայանը, մայոր՝ Դավիթ Վալերիի Դանիելյանը և լեյտենանտ՝ Արարատ Թելմանի Գասպարյանը: Եվս մեկ ծառայող՝ լեյտենանտ Դավիթ Աշոտի Հովսեփյանը, ստացել է հրազենային վիրավորում։
Էմմա Չոբանյան
