26.07.2026 | 11:14
Վրաստանի շտապօգնության մեքենայով Երևան է տեղափոխվել վթարից տուժած աղջիկ երեխա
Ադրբեջանում օտարերկրացու են ձերբակալել լրտեսության մեղադրանքով
Քաղաքականություն
15.03.2023 | 16:54
Ադրբեջանի Պետական անվտանգության ծառայությունը հայտարարել է լրտեսության կասկածանքով օտարերկրյա քաղաքացու ձերբակալման մասին, գրում են տեղական լրատվականները։
Գերատեսչության հաղորդագրության մեջ նշվում է, որ Պետանվտանգության ծառայության վարույթում գտնվող քրեական գործի քննության ընթացքում հիմնավոր կասկածներ են առաջացրել, որ օտարերկրյա քաղաքացի Մոհամմադ Գաեդին (ծնված 1994թ.) կատարել է հանցավոր լրտեսական գործունեություն Ադրբեջանի տարածքում։ Գաեդին, Բաքվի պնդմամբ, օտարերկրյա հետախուզական գործակալության հանձնարարությամբ զբաղվել է տեղեկությունների հավաքմամբ ու փոխանացմամբ, որոնք պետական գաղտնիք են պարունակում՝ ի վնաս Ադրբեջանի անվտանգության, մասնավորապես, անձնական տվյալներ ձեռք բերելով ադրբեջանցի իրավապահների մասին՝ անձնական կապեր հաստատելով և նրանց ներգրավելով համագործակցության մեջ:
«Գաեդի Մոհամմեդ Նաջաֆ օղլուն քրեական պատասխանատվության է ենթարկվել քրեական օրենսգրքի 276 հոդվածով։ Նրա նկատմամբ, դատարանի որոշմամբ, խափանման միջոց է ընտրվել կալանավորումը»,- ասվում է հաղորդագրության մեջ։
Էմմա Չոբանյան
