06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
ԱԱ-2026-ը կանցկացվի նոր ձևաչափով․ ՖԻՖԱ-ն հաստատել է
14.03.2023 | 23:21
ՖԻՖԱ-ն փոխել է 2026 թվականի Ֆուտբոլի Աշխարհի առաջնության անցկացման ձևաչափը․ մրցաշարին կմասնակցի 48 հավաքական, որոնք կբաժանվեն 12 խմբի՝ կազմված չորս թիմերից, հայտնում է կազմակերպության մամուլի ծառայությունը։
«ՖԻՖԱ-ի խորհուրդը միաձայն հավանություն է տվել 2026 թվականի Ֆուտբոլի Աշխարհի առաջնության ձևաչափի առաջարկվող փոփոխությանը»,-Armsport.am-ի հաղորդմամբ՝ ասված է հաղորդագրությունում։
Մրցաշարի խմբային փուլը բաղկացած կլինի 72 հանդիպումից. թիմերը կբաժանվեն 12 խմբերի՝ յուրաքանչյուրը չորս թիմով, քառյակներից դուրս կգան երկուական թիմ, որոնք կզբաղեցնեն առաջին և երկրորդ տեղերը։ 1/16-ում այդ թիմերին կմիանան ութ լավագույն թիմերը, որոնք կզբաղեցնեն երրորդ տեղն իրենց խմբում։
Ընդհանուր առմամբ մրցաշարը բաղկացած կլինի 104 հանդիպումից (փլեյ-օֆֆի հանդիպումները ներառյալ)։ Նախկինում Աշխարհի առաջնությանը մասնակցել է 32 թիմ, մրցաշարը բաղկացած է եղել 64 հանդիպումից։
Մրցաշարը կտևի 56 օր։ Եզրափակիչ հանդիպումը նշանակված է 2026 թվականի հուլիսի 19-ին։ Աշխարհի 2026 թվականի առաջնությունն առաջին անգամ կանցկացվի երեք երկրներում՝ Կանադայում, ԱՄՆ-ում և Մեքսիկայում։
