16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Ինչու Գրիգոր Մինասյանի կենսագրականում նշված չէ, որ նա եղել է ՀՀԿ անդամ․ ՏԵՍԱՆՅՈՒԹ
Հասարակություն
13.03.2023 | 13:23
«Նախկինում ՀՀԿ-ի առանցքային դեմքերից էիք, նախկինում խոսե՞լ եք այն խնդիրների մասին, որոնք այսօր եք բարձրաձայնում»,- արդարադատության նախարար Գրիգոր Մինասյանն այսօր ՀՀ կառավարության ծրագրի 2022թ․-ի կատարման ընթացքի և արդյունքների մասին» զեկույցը գլխադասային հանձնաժողովում ներկայացնելուց հետո հետոխորհրդարանում լրագրողների հետ զրույցում, անդրադառնալով այս հարցին, նշեց․ «Համեմատականները՝ ներկա, թե նախկին, չեն միտված նրան, որ մեղքը բարդվի մեկ այլ քաղաքական ուժի վրա։ Ուղղակի համեմատական է, թե որևէ գործընթաց հիմա ինչու է այսպես լինում։ Օրինակ՝ մեր ընդդիմադիր գործընկերները հարցադրում էին անում, թե սահմանադրական բարեփոխումների ընթացն ինչու է դանդաղ, և ես բացատրում էի, որ մոդելը նոր է և կա երկու մարմին՝ խորհուրդ և մասնագիտական հանձնաժողով»։
Անդրադառնալով դիտարկմանը, որ ինքը ժամանակին հեգնում էր Նիկոլ Փաշինյանին՝ քարոզարշավին տանիքներ բարձրանալու համար, Գրիգոր Մինասյանն ասաց․ «Ես որևէ քաղաքական գործի չեմ հեգնել երբեք։ Եղել են քաղաքական բանավեճեր և հայտարարություններ՝ քաղաքական էթիկայի շրջանակներում»։
Հարցին, թե իր կենսագրական տվյալներում ինչո՞ւ չկա նշում, որ ինքը ժամանակին ՀՀԿ անդամ է եղել, Գրիգոր Մինասյանը պատասխանեց․ «Եղել եմ և դադարեցրել եմ, տվյալները կան»։
Մանրամասները՝ տեսանյութում։
