24.02.2026 | 18:06
Դատարան են հանձնվել Սեյրան Օհանյանի կնոջ՝ Ռուզան Խաչատրյանի վերաբերյալ քրեական վարույթի նյութերը
296 գույք, 52 մլրդ դրամ․ 2022-ին ապօրինի ծագման գույքի բռնագանձման համար 21 հայցադիմում է ներկայացվել․ ՏԵՍԱՆՅՈՒԹ
Հասարակություն
13.03.2023 | 12:28
Արդարադատության նախարարությունը մի շարք գերժամանակակից սարքավորումներ է ձեռք բերել։ Պետական-իրավական հարցերի մշտական հանձնաժողովի նիստի ժամանակ այս մասին նշեց Արդարադատության նախարար Գրիգոր Մինասյանը:
«Գերժամանակակից սարքավորումներ ենք ձեռք բերել, մասնավորապես ստի դետեկտոր ( պոլիգրաֆ): Մի քանի օր առաջ արդեն դրա գործարկումը սկսվեց։
Նաև հատուկ սարքավորում ենք ձեռք բերել, որը նախատեսված է փաստաթղթերի և ստորագրությունների հետազոտության համար։ Նախարարությունը ձեռք է բերել նաև նոր տեխնիկա, որով հնարավոր է դարձել մոդելավորել և ստանալ դեպքի վայրի, դրանում առկա հրազենային վնասվածքների տեղեկությունների 3D ձևաչափով պատկերներ»,- ասաց Մինասյանը։
Նախարարը նաև հայտնեց, որ 2022-ին ապօրինի ծագման գույքի բռնագանձման համար 21 հայցադիմում է ներկայացվել դատարան, բռնագանձման է ենթակա 296 գույք, 52 մլրդ դրամ։
2022թ․ քրեական վարույթներով վերականգնվել է պետությանը պատճառված 29,4 միլիարդ ՀՀ դրամի վնաս։
Մանրամասները՝ տեսանյութում։
