15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Բաքուն հայտարարում է, որ թույլ չի տալու Իսրայելին իր տարածքն օգտագործել Իրանի դեմ հարձակումների համար
Քաղաքականություն
10.03.2023 | 14:26
Իսրայելի բանակին թույլ չի տրվելու օգտագործել Ադրբեջանի տարածքը որպես բազա Իրանի վրա հարձակման համար։ Այս մասին լրագրողներին ասել է Իսրայելում Ադրբեջանի առաջին դեսպան Մուխտար Մամեդովը, գրում է իսրայելական mignews-ը։
«Ադրբեջանը հենց սկզբից հայտարարել է, որ չի միջամտելու այլ երկրների ներքին գործերին և թույլ չի տալու, որ իր տարածքն օգտագործվի այլ երկրների դեմ։ Այն պատճառով, որ մենք ակնկալում ենք՝ այլ երկրներ նույնպես չեն միջամտի մեր ներքին գործերին»,- ասել է դեսպանը։
Այսպիսով, Մամեդովը հերքել է ԶԼՄ-ների տեղեկությունները, թե Բաքուն ավիաբազա է պատրաստել, որը նախատեսված է Իսրայելին օգնելու համար, եթե վերջինս որոշի հարձակվել Իրանի միջուկային օբյեկտների վրա։
Հավելենք, որ իսրայեկան Haaretz-ը գրել էր, որ ըստ արտասահմանյան ԶԼՄ-ների՝ Ադրբեջանը թույլ է տվել «Մոսադ»-ին Ադրբեջանում առաջնային մասնաճյուղ ստեղծել՝ վերահսկելու, թե ինչ է կատարվում Իրանում, նույնիսկ ավիաբազա է պատրաստել՝ նախատեսված Իսրայելի համար, եթե այդ երկիրը որոշի հարձակվել Իրանի միջուկային օբյեկտների վրա։ Երկու տարի առաջ հրապարակված հաղորդագրություններում ասվում է, որ «Մոսադ»-ի գործակալները, որոնք գողացել են Իրանի միջուկային արխիվը, այն Ադրբեջանի տարածքով մաքսանենգ ճանապարհով տեղափոխել են Իսրայել:
Էմմա Չոբանյան
