24.02.2026 | 15:34
Զելենսկին առաջին անգամ ցուցադրել է նախագահական բունկերը, որտեղ անցկացրել է պատերազմի առաջին ամիսները․ ՏԵՍԱՆՅՈՒԹ
Լուրջ միջամտություն է տեղեկատվության ազատության իրավունքին. Դավիթ Գյուրջյան. ՏԵՍԱՆՅՈՒԹ
Հասարակություն
09.03.2023 | 13:35
«Քաղաքացիական հասարակությունը նախագծի շրջանառման տարբեր փուլերում բազմիցս անդրադարձել է թերություններին և ներկայացրել առաջարկություններ, սակայն առաջարկների մեծ մասը մերժվել են և բազմաթիվ խնդիրներ մնացել են չլուծված»,- «Չարաշահումների ռիսկեր՝ «Պետական գաղտնիքի մասին» օրենքում» թեմայով քննարկման ժամանակ նշեց Իրավունքի զարգացման և պաշտպանության hիմնադրամի իրավական հարցերով փորձագետ Դավիթ Գյուրջյանը։
Նշենք, որ Ազգային ժողովը մարտի մեկին երկրորդ ընթերցմամբ և ամբողջությամբ ընդունեց «Պետական գաղտնիքի մասին» օրենքի նախագիծը։
Գյուրջյանի խոսքով՝ նոր նախագծով սահմանվում է նոր՝ ծառայողական օգտագործման սահմանափակ տեղեկատվություն հասկացությունը, որի տակ օրենսդիրը հասկանում է ցանկացած տեղեկատվություն, այդ թվում նաև պետական գաղտնիքի որևէ տարր չպարունակող տեղեկատվությունը, որը կարող է վնասել ոչ միայն ազգային անվտանգության շահերին, այլ նաև քաղաքացու և իրավաբանական անձանց օրինական շահերին։
«Սա անթույլատրելի մոտեցում է, որովհետև «Պետական գաղտնիքի մասին» օրենսդրությամբ թույլ է տրվում գաղտնագրել տեղեկություն, որը կապ չունի պետական գաղտնիքի հետ և կապ չունի ազգային անվտանգության պաշտպանության որևէ տարրի հետ։ Ըստ էության՝ այս դրույթի տակ կարող են ցանկացած տեղեկություն գաղտնագրել, 10 տարի ժամկետ է սահմանվել այս տեղեկությունների գաղտնագրման համար։ Այսինքն՝ սա լուրջ միջամտություն է տեղեկատվության ազատության իրավունքին»,- նշեց Գհուրջյանը։
Փորձագետն անդրադարձավ նաև բացարձակ հայեցողությամբ ժամկետը լրացած տեղեկությունների ոչնչացման թույլտվությանը և ընդգծեց, որ անթույլատրելի մոտեցում է դրսևորվել․ «Միջազգային չափորոշիչների համաձայն՝ գաղտնիության ժամկետն ավարտվելու պահից ի վեր այդպիսի տեղեկությունները պետք է հրապարակայնացվեն, հանձնվեն ազգային արխիվ»։
Մանրամասները՝ տեսանյութում։
