25.11.2024 | 11:40
ՌԴ-ն ակնկալում է հասնել Հայաստանի հետ ապրանքաշրջանառության ռեկորդային ցուցանիշի՝ 14-16 միլիարդ դոլարի․ Սերգեյ Կոպիրկին
Ֆիլիպիններում երկու հզոր երկրաշարժ է գրանցվել
Քաղաքականություն
07.03.2023 | 19:34
Այսօր երկու ուժեղ երկրաշարժ է տեղի ունեցել Ֆիլիպինների հարավում, հայտնում է France24-ը։
6 մագնիտուդով առաջին երկրաշարժը տեղի է ունեցել Մարագուսան մունիցիպալիտետից մի քանի կիլոմետր հեռավորության վրա՝ Մինդանաո կղզու Դավաո դե Օրո լեռնային ոսկու արդյունահանման նահանգում, հայտնում է ԱՄՆ երկրաբանական ծառայությունը։
Զոհերի կամ զգալի ավերածությունների մասին չի հաղորդվում։
Գրեթե երեք ժամ անց 5,6 մագնիտուդով երկրորդ երկրաշարժը տեղի է ունեցել հարևան Նյու Բաթաանի մունիցիպալիտետում: Մի քանի տներ ավերվել են, իսկ Անդափ գյուղում մոտ 300 մարդ ստիպված է եղել լքել տները։
Հաղորդվում է նաև, որ մոտ 100 մարդու վրա ապակի և սալեր են թափվել հարևան Դավաո դել Նորտե նահանգի Թագում առևտրի կենտրոնում, երբ մարդիկ դուրս են շտապել շենքից:
Տաթև Ֆռանգյան
