08.12.2025 | 21:00
Վստահ եմ՝ 10-ից բացի մյուս եպիսկոպոսները ևս Կտրիճ Ներսիսյանի դեմ են, շուտով տեսանելի կլինի․ Վահագն Ալեքսանյան․ ՏԵՍԱՆՅՈՒԹ
Որակով լուսատուներ ենք ուզել․ Հրաչյա Սարգսյան. ՏԵՍԱՆՅՈՒԹ
Տնտեսություն
06.03.2023 | 11:20
Այսօր Երևանի քաղաքապետարանի գործակարգավարական խորհրդակցության ժամանակ քննարկվեց Շինարարության և բարեկարգման վարչությանը տրված հանձնարարականը, որի համաձայն պետք է բարեկարգման աշխատանքներ իրականացվեին Աբովյան պուրակում։
Վարչության աշխատակիցը հայտնեց, որ Աբովյան պուրակի բարեկարգման աշխատանքներն ընթացքի մեջ են, պայմանագրի ժամկետը՝ 05․01․2023թ․ լրացել է, աշխատանքներն ավարտական փուլում են, մոտ մեկ ամսից կավարտվեն։
«Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը հավելեց․ «Քանի որ, որպես կանոն, պրոֆեսիոնալ չեն կատարվում ծառատնկման աշխատանքները, Շինարարության և բարեկարգման վարչության պետ Գրիգորյանի կողմից եղել է առաջարկ և մենք համաձայնվել ենք, որ տնկանյութերը կգնեն իրենք, կհանձնեն մեզ, մենք կիրականացնենք տնկման աշխատանքները։ Բեգոյանը հավելեց, որ ոռոգման խնդիր Աբովյան պուրակում չկա։
Շինարարության և բարեկարգման վարչության ներկայացուցիչը նաև հայտնեց, որ Աբովյան պուրակում լուսավորության աշխատանքները սկսվել են, «Երքաղլույսի» հետ համաձայնեցված է։
Երևանի քաղաքապետ Հրաչյա Սարգսյանը «Երքաղլույսի» ներկայացուցչից հետաքրքվեց․ «Նորմա՞լ լուսատուներ են, որակով լուսատուներ ենք ուզել»։
«Երկքաղլույսի» ներկայացուցիչը նշեց, որ լուսատուների որակից տեղյակ չէ, բայց նախագիծը նորմալ է։
Մանրամասները՝ տեսանյութում։
