27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
16-ամյա որդին տնից 100 000 ռուբլին գողացել և օնլայն խաղադրույքներ է արել
04.03.2023 | 19:23
ՀՀ ոստիկանությունից տեղեկացնում են, որ մարտի 3-ին Տավուշի մարզի Հաղարծին բնակավայրի մի բնակիչ ոստիկանության Դիլիջանի բաժնում հաղորդում էր տվել, որ 2022 թ. դեկտեմբերի 15-ից մարտի 2-ն ընկած ժամանակահատվածում տան ննջասենյակի զգեստապահարանի ճամպրուկից գողացել են 100 000 ՌԴ ռուբլի:
«Դիլիջանի քրեական հետախույզների ձեռնարկած օպերատիվ-հետախուզական միջոցառումների արդյունքում պարզվել, որ նշված գողությունը կատարել էր տանտիրոջ 16-ամյա որդին: Նա բաժին դիմում է ներկայացրել, որ իրենց տան ննջասենյակի պահարանի ճամպրուկից մոտ երկու ամիս առաջ 100 000 ՌԴ ռուբլին գողացել և օնլայն խաղադրույքներ է կատարել:
Կազմված փաստաթղթերը և 16-ամյա պատանին ներկայացվել են Դիլիջանի քննչական բաժին»,- ասված է հաղորդագրության մեջ:
