Քննարկվել է «Սևան» ազգային պարկի սահմանների վերանայման հարցը

Շրջակա միջավայրի նախարար Հակոբ Սիմիդյանի գլխավորությամբ տեղի է ունեցել «Սևան ազգային պարկի կառավարման պլանի անհրաժեշտ վերլուծության և մշակման իրականացում» ծրագրի վերաբերյալ հերթական աշխատանքային քննարկումը․ տեղեկացնում են ՇՄՆ-ից։

Հնարավոր է սա 1 անձ, կանգնած and նստած է նկարն է

Շրջակա միջավայրի նախարարության պատվիրակմամբ կառավարման պլանի մշակումը «Սևանա լճի շրջակա միջավայրի պահպանություն» (EU4Sevan) ՄԱԶԾ ծրագրի մաս է և իրականացվում է «Ա. Թախտաջյանի անվան բուսաբանության ինստիտուտ» ՊՈԱԿ (Հայաստան), «Սոլյուտոն» ՍՊԸ (Հայաստան), DHP Conservation Ltd. (Չեխիա), NaravaNarave d.o.o (Սլովենիա) կոնսորցիումի կողմից։

Հնարավոր է սա 3 մարդ, մորուք, մարդիկ նստած են and ներսում նկարն է

«Սևանա լճի շրջակա միջավայրի պահպանություն» (EU4Sevan) ծրագիրը համատեղ ֆինանսավորվում է Եվրոպական միության և Գերմանիայի Դաշնային Հանրապետության տնտեսական համագործակցության և զարգացման նախարարության (ԳԴՀ ՏՀԶՆ) կողմից։ Այն ԳԴՀ ՏՀԶՆ-ի կողմից ֆինանսավորվող «ECOServe» ծրագրի մաս է կազմում։ Ծրագիրն իրականացվում է Գերմանիայի միջազգային համագործակցության ընկերության (ԳՄՀԸ)-ի և ՄԱԿ-ի զարգացման ծրագրի (ՄԱԶԾ) կողմից:

Համառոտ զեկույցների միջոցով նախարարին է ներկայացվել արդեն իսկ իրականացված աշխատանքների վերաբերյալ տեղեկատվություն։ Քննարկվել են այդ ընթացքում գույքագրված խնդիրները և դրանց լուծման հնարավոր տարբերակներ։

Հիշեցնենք, որ «Սևան» ազգային պարկի կառավարման նախորդ պլանը մշակվել է 2007 թվականին, որն այլևս չի թարմացվել։

Հանդիպման ընթացքում քննարկվել են ազգային պարկի սահմանների վերանայման և սահմանազատման աշխատանքների հիմնական սկզբունքների, համայնքների կադաստրային քարտեզների վերադրման, ազգային պարկի տարածքում անտառային հողերի ներառման և տարածքների միջև առկա կտրտվածության հնարավորինս վերացման վերաբերյալ հարցեր։

Գործընթացը գտնվում է նախարարության անմիջական ուշադրության կենտրոնում, առաջիկայում նախատեսված են առավել ներառական կազմով հանդիպումներ։