Քաղաքականություն
03.03.2023 | 20:58
Վլադիվոստոկում զինվորական դատարանը 21-ամյա ժամկետային զինծառայողին դատապարտել է 7 տարվա ազատազրկման՝ «Ահաբեկչություն» հոդվածով (ՌԴ ՔՕ 205-րդ հոդվածի 1-ին մաս), գրում է BBC-ի ռուսական ծառայությունը:
Մեղադրող կողմը պնդում է, որ 2022 թվականի հունիսի 8-ին նա հրկիզել է Վլադիվոստոկի զինկոմիսարիատը՝ «այս հաստատության գործունեությունը ապակայունացնելու և Ուկրաինայի տարածքում հատուկ ռազմական գործողությունը դադարեցնելու իշխանությունների որոշման վրա ազդելու նպատակով»:
Ըստ քննիչների՝ կասկածյալը մեսենջերում նամակագրություն է ունեցել «հաճախորդի հետ, որը նրան խոստացել է 100 հազար ռուբլի դրամական պարգև՝ շենքի ամբողջական ոչնչացման դեպքում»։ Ռազմական դատարանի հայտարարության մեջ նշվում է, որ երիտասարդն իրեն մեղավոր է ճանաչել։
Սա առաջին դեպքը չէ, երբ զինկոմիսարիատը հրկիզելու համար ահաբեկչության հոդվածով վճիռ է կայացվում։ Հունվարին Կենտրոնական շրջանային զինվորական դատարանը նույն հոդվածով խիստ ռեժիմի գաղութում 12 տարվա ազատազրկման է դատապարտել Վլադիսլավ Բորիսենկոյին, որը մեղադրվում էր Նիժնևարտովսկում զինկոմիսարիատը հրկիզելու համար։
Տաթև Ֆռանգյան
