16.08.2026 | 18:49
Հունգարիայում լեհական ավտոբուսի վթարի հետևանքով 12 զբոսաշրջիկ է զոհվել
«Բանակցություններն անցել են բարեկամական և վստահելի մթնոլորտում»․ ՌԴ ԱԳՆ-ն՝ Լավրով-Միրզոյան հանդիպման մասին
Քաղաքականություն
03.03.2023 | 13:29
Նյու-Դելիում «Ռայսենի երկխոսություն» 8-րդ միջազգային համաժողովի շրջանակներում այսօր տեղի է ունեցել զրույց Ռուսաստանի Դաշնության արտաքին գործերի նախարար Սերգեյ Լավրովի և ՀՀ ԱԳ նախարար Արարատ Միրզոյանի միջև։ Այս մասին հայտնում է ՌԴ ԱԳՆ նախարարությունը։
«Արտաքին գերատեսչությունների ղեկավարները քննարկել են երկկողմ օրակարգի արդիական հարցեր։ Ստուգվել են միջազգային հարթակներում համագործակցության խթանման մոտեցումները՝ ընդհանուր ինտեգրացիոն միավորումների շրջանակներում։
Տեղի է ունեցել մտքերի փոխանակում տարածաշրջանային խնդիրների շուրջ։ Նշվել է հայ-ադրբեջանական հարաբերությունների կարգավորման բոլոր ուղիներում ակտիվացման ջանքերի արդիականությունը՝ Ռուսաստանի, Հայաստանի և Ադրբեջանի ղեկավարների միջև 2020 թվականի նոյեմբերի 9-ին, հունվարի 11-ի, 2021 թվականի նոյեմբերի 26-ի և 2022 թվականի հոկտեմբերի 31-ի պայմանավորվածություններին համապատասխան»,-ասված է ՌԴ ԱԳՆ տարածած հայտարարության մեջ։
Նշվում է, որ բանակցություններն անցել են «բարեկամական և վստահելի մթնոլորտում»։ Պայմանավորվածություն է ձեռք բերվել հետագա դիվանագիտական շփումների վերաբերյալ։
Տաթև Ֆռանգյան
