01.11.2024 | 21:32
Հայաստանի մի շարք հասցեներում էլեկտրաէներգիայի անջատումներ կլինեն
Փաշինյանը՝ Մարտի 1-ի բացահայտման մասին․ Գարեգին Երկրորդն ընդունել է ԱՄՆ դեսպանին․ Լուրեր
Քաղաքականություն
01.03.2023 | 13:40
- Վարչապետ Նիկոլ Փաշինյանն այսօր մասնակցել է Երևանի Մանկական այգում Մարտի 1-ի զոհերին նվիրված հուշարձանի բացմանը։ Նա հայտարարել է, թե երբ ասում է, որ Մարտի 1-ը բացահայտված է, նկատի ունի, թե քայլերի ինչ հերթականություն է եղել: Փաշինյանը կրկնել է, որ մարտի 1-ը բացահայտված է, բայց մեղավորները պատժված չեն։
- ՌԴ ԱԳՆ խոսնակ Մարիա Զախարովան հույս է հայտնել, որ Ռուսաստանի հետ համատեղ մշակված խաղաղության նախաձեռնությունները կիրականացվեն հայ-ադրբեջանական հակամարտության կարգավորման գործում։ Զախարովան «ամբարտավանություն» է անվանել «Հարավային Կովկասի իրավիճակին ներթափանցելու Արևմուտքի փորձերը»։ Նրա կարծիքով՝ նման քաղաքականություն է տարվում ոչ թե հակամարտությունը կարգավորելու համար, այլ «ճիշտ հակառակ նպատակներով»։
- Ամենայն հայոց կաթողիկոս Գարեգին Երկրորդն ընդունել է Հայաստանում ԱՄՆ նորանշանակ դեսպան Քրիստինա Քվինին։ Հանդիպմանը կաթողիկոսը մասնավորապես ընդգծել է գերության մեջ հայտնված հայորդիների ազատ արձակման կարևորությունը։ Զրուցակիցները քննարկել են նաև Ադրբեջանի վերահսկողության տակ անցած տարածքներում Արցախի հոգևոր-մշակութային ժառանգության պահպանության խնդիրները, սրբավայրերի պղծման և ոչնչացման փաստագրված միջադեպերը։
Այս ժամի լուրերը՝ տեսանյութում։
