Ընդդիմությունը ընտանեկան բռնությունից է խոսում, զարմանում եմ․ Ալեքսանյանը ձայնագրություն ներկայացրեց․ ՏԵՍԱՆՅՈՒԹ

Ազգային ժողովում քննարկվում է «Ընտանիքում բռնության կանխարգելման և ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» օրենքում լրացումներ կատարելու մասին նախագիծը, որով առաջարկվում է օրենսդրական կարգավորում՝ միտված ընտանիքում բռնության ենթարկված անձանց պաշտպանության առավել արդյունավետ գործիքակազմ ունենալուն․ նախատեսվում է օգտագործել էլեկտրոնային հսկողության միջոցներ։ Հայաստանում գրանցվել է ընտանեկան բռնության 200 դեպք։

«Ինձ զարցացնում է այն, որ  ընդդիմությունն ասում է այդքան դեպք կա՞ »,-  նշեց «Քաղաքացիական պայմանագիր» խմբակցության պատգամավոր Վահագն Ալեքսանյանը և ձայնագրություն ներկայացրեց, որտեղ  ՀՀ առաջին վարչապետ Վազգեն Մանուկյանի հայտարարություններից մի հատված էր։

«Ամրագրենք, որ ըստ նրա՝ ՀՀ-ում կան 10% անասունների ընտանիքներ։ Ձեր վարչապետի թեկնածուն է։ Հետո աղմուկ է բարձրանում, ասում են՝ էս ի՞նչ է խոսում այս մարդը, հո հիվա՞նդ չի։ Իսկ շարժման անդամները դա պարզաբանեցին այսպես, որ Վազգեն Մանուկյանի այդ խոսքը վիճակագրական տվյալների մասին է, որում կանայք և երեխաները ենթարկվում են ընտանեկան բռնության․․․երկու տարի առաջ ձեր թեկնածուն ասում էր, որ ՀՀ-ում 10% անասունների ընտանիքներ կան։ Գլուխը պատին է տալիս իհարկե, որ նման բան է ասում։ Եվ հիմա դուք ասում եք՝ այդ երկու հարյուր թիվն իրակա՞ն է։ Ձեր վարչապետի թեկնածուն 300 000 ընտանիքների մասին էր խոսում»։

Ելույթին արձագանքելով՝ ԱԺ նախագահ Ալեն Սիմոնյանը հեգնեց․ «Դե լավ, մարդիկ սխալվել են, վարչապետի սխալ թեկնածու են ընտրել, ամեն անգամ երեսով տալ կլինի՞»։

Մանրամասները՝ տեսանյութում։