15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Լաչինի միջանցքում ռենտգեն սարքերի տեղադրման հարցը քննարկված, ավարտված է․ Տիգրան Աբրահամյան․ ՏԵՍԱՆՅՈՒԹ
Քաղաքականություն
28.02.2023 | 15:20
«Ադրբեջանը՝ միջանցքի հետ կապված 4-5 հրապարակային պահանջ էր ներկայացրել և դրանցից ընդամենը մեկն էր կապված Ռուբեն Վարդանյանի հեռացման հետ: Այսինքն՝ Ռուբեն Վարդանյանին ազատելը դեռևս խնդիրների հանգուցալուծում չէ:
Գլխավոր խնդիրներն այս պահին վերաբերում են Կաշենի հանքում ադրբեջանական հնարավոր ներկայությանը՝ ստուգումներից սկսած, վերջացրած ՀՀ-ն Արցախին կապող միջանցքում Ադրբեջանի կողմից վերահսկողությանը»,- այս մասին ԱԺ-ում լրագրողների հետ զրույցում նշեց ԱԺ «Պատիվ ունեմ» խմբակցության պատգամավոր Տիգրան Աբրահամյանը:
Ըստ ընդդիմադիր պատգամավորի՝ ռենտգեն սարքի հետ կապված խնդիրը կարծես թե արդեն բանակցված, ավարտված է․ «Այլ հարց է, որ Ադրբեջանի պահանջները գնալով մեծանում են, իսկ միջանցքի փակումը Ադրբեջանի կողմից զուտ մարտավարական քայլ էր, որի տակ Ադրբեջանը մի քանի քայլանի սխեմաներ է դրել»:
Ինչ վերաբերվում է ռենտգեն սարքին, Աբրահամյանը նշեց, որ խոսքն առայժմ բեռնատար մեքենաների՝ ռենտգեն սարքով անցկացման մասին է, ինչը Ադրբեջանին հնարավորություն կտա վերահսկել, թե ինչ ապրանքներ են մտնում Արցախ:
Մանրամասները՝ տեսանյութում։
