25.06.2026 | 11:50
«Մեր ընկերոջը՝ Մարտուն Գրիգորյանին կասեմ, գնա մոտը իմ անունից»․ ՀԿԿ-ն նոր գաղտնալսում է հրապարակել
Ուկրաինան հայտնել է ՌԴ-ի ավելի քան 60 հարձակում հետ մղելու մասին
Քաղաքականություն
28.02.2023 | 18:56
Անցած օրվա ընթացքում Ուկրաինայի զինված ուժերը հետ են մղել ՌԴ-ի ավելի քան 60 հարձակում հինգ ուղղություններով՝ Կուպյանսկի, Լիմանսկի, Բախմուտսկի, Ավդեևսկի և Շախտյորսկի։ Այս մասին հայտնում է DW-ի ռուսական ծառայությունը՝ վկայակոչելով Ուկրաինայի ԶՈՒ Գլխավոր շտաբի օպերատիվ զեկույցը։
Այդ տեղեկությունների համաձայն՝ ռուսները 8 հրթիռային և 32 ավիահարված են հասցրել, 85 հրետակոծություն իրականացրել համազարկային կրակի ռեակտիվ համակարգերից։
Իր հերթին, Ուկրաինայի ԶՈՒ-ն անցած օրվա ընթացքում ոչնչացրել է 12 հարվածային անօդաչու թռչող սարք, այդ թվում՝ 11 «Շահեդ-136» տեսակի։
Ուկրաինական կողմը հայտնել է, որ Ուկրաինայի ավիացիան 4 հարված է հասցրել ՌԴ կենտրոնացման վայրերին, հրթիռային և հրետանային ստորաբաժանումները խոցել են մեկ հրամանատարական կետ, հակառակորդի կենդանի ուժի կենտրոնացման երկու շրջան և հակաօդային պաշտպանության երկու դիրք։
Տաթև Ֆռանգյան
