05.11.2024 | 17:39
«Դիմակայունություն Սյունիք» ծրագրով մարզին 49 մլն եվրո պետք է հատկացվի․ Ռոբերտ Ղուկասյան․ ՏԵՍԱՆՅՈՒԹ
Կիևը վերահսկում է Սև ծովի ուկրաինական մասի մոտ մեկ երրորդը․ Ուկրաինայի ՌԾՈՒ հրամանատար
Քաղաքականություն
27.02.2023 | 22:35
Ուկրաինայի ռազմածովային ուժերի հրամանատար, փոխծովակալ Ալեքսեյ Նեյժապան հայտարարել է, որ այսօր «Սև ծովի ուկրաինական հատվածի 25 հազար քառակուսի կիլոմետրը գորշ գոտի է, ուր ռուսական նավերը չեն մտնում՝ վախենալով ոչնչացումից», փոխանցում է BBC-ի ռուսական ծառայությունը:
Գերագույն գլխավոր հրամանատարը վստահեցնում է, որ «այդ տարածքը նույնքան է, որքան Օդեսայի և Խարկովի շրջանների տարածքը միասին վերցրած», թեև իրականում այս երկու շրջաններից յուրաքանչյուրի տարածքը գերազանցում է 30 հազար քառակուսի կիլոմետր։
«Լայնածավալ ներխուժման առաջին օրերին մենք անզեն աչքով տեսնում էինք ռուս զավթիչներին Օդեսայի մերձակայքում՝ ծովում, իսկ այժմ նրանք այլևս չեն մոտենում մեր կողմից վերահսկվող ափերին»,- հիշում է փոխծովակալը։
Ընդհանուր առմամբ, ըստ Նեյժապայի՝ Ուկրաինային է պատկանում «ավելի քան 70 հազար քառակուսի կիլոմետր» Սև ծովում, այսինքն՝ պետք է ազատագրել մի տարածք, որն ավելի քան երկու անգամ մեծ է «գորշ գոտուց»։
Տաթև Ֆռանգյան
